Құрдасын өлтірген оқушыға үкім шықты

Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..

Жамбыл облыстық кәмелетке толмағандар ісі жөніндегі мамандандырылған ауданаралық соты оқушылар арасында орын алған қайғылы оқиғаға қатысты үкім шығарды деп хабарлайды Egemen.kz.

Іс материалдарына сай Тараздағы мектептердің бірінде 9 сынып оқитын кәмелетке толмаған Р. есімді азамат қатарласы А. есімді азаматпен жанжалдасып, құрдасына күш қолданған. Нәтижесінде ол мойын жарақатынан оқиға орнында көз жұмған еді.

Сотта айыпталушының кінәсі куәлардың айғақтарымен, сот-медициналық сараптамалардың қорытындыларымен және заттай дәлелдемелермен дәлелденді. Сотталушы кінәсін ішінара мойындаған.

Мемлекеттік айыптаушы соттан жасөспірімге 6 жыл 8 ай мерзімге бас бостандығынан айыру жазасын тағайындауды сұрады. Ал марқұмның жақындары моральдық зиянды өтеуді талап етті.

Бестеректегі төрт баланың өліміне себепкер болған жүргізуші 9 жылға сотталды

Сот жаза тағайындау кезінде сотталушының кәмелетке толмағанын, істеген әрекетіне өкінетінін және жағымды мінездемелерін ескеріп, жеңілдететін мән-жайлар ретінде таныды. Ауырлататын мән-жайлар анықталған жоқ.

Қолданыстағы заңнамаға сәйкес, мұндай қылмыс үшін 8 жылдан 12 жылға дейін бас бостандығынан айыру жазасы көзделген. Алайда кәмелетке толмағандарға қатысты арнайы нормалар қолданылып, жаза ең төменгі шекте белгіленді.

Сот үкімімен Р. кінәлі деп танылып, 6 жыл 8 ай мерзімге бас бостандығынан айырылды. Сонымен қатар, сот сотталушының заңды өкілдерінен жәбірленуші тараптың пайдасына 10 миллион теңге көлемінде моральдық зиян өндіруді міндеттеді.Үкім әзірге заңды күшіне енген жоқ.