Қымбатшылық қысып тұр: мегаполистерде күнкөріс қиындады

Кедейлік картасы кеңейіп барады. Бұрын ауыл-аймаққа ғана қатысты бұл мәселе енді ірі қалаларда айқын сезіле бастады, деп жазады Egemen.kz. 

Фото: ашық дереккөз

2025 жылдың үшінші тоқсанында елімізде 1 миллионнан аса адам күнкөріске жетпейтін табыспен өмір сүріп отыр. Бұл ел халқының шамамен 5 пайызынан көбі. Ресми есеп бойынша, бір адамға қажет ең төменгі күнкөріс 60,9 мың теңге деп көрсетіледі. Бірақ шын мәнінде азық-түлік, коммуналдық төлем, жолақы сияқты күнделікті шығындар бұл сомадан әлдеқайда көп.

Аймақтар арасында  аз қамтылған адам ең көп Түркістан облысында тіркелген. Мұнда 194 мыңдай тұрғын, яғни әрбір оныншы адам кедейлік шегінде өмір сүреді. Бірақ бұл өңірде жағдай біртіндеп жақсарып келеді. Ал Маңғыстау облысында керісінше, қиындық күшейген. Кедейлік деңгейі 8 пайыздан асып, 66 мыңнан көп адамды қамтыған. Абай мен Жетісу облыстарында да кедейлік бар, бірақ бұл өңірлерде бұл үдеріс азая бастады.

Ең алаңдатарлық жағдай ірі қалаларда болып тұр. Астанада кедейлік деңгейі пайызбен алғанда төмен сияқты көрінгенімен, нақты саны 44 мыңнан асып, бір жылда тағы көбейген. Алматыда жағдай одан да күрделі. Кедейлік шегінде өмір сүретіндер бір жылда 1,5 есе өсіп, 11 мыңнан асты. Шымкентте бұл көрсеткіш тіпті екі есе көбейіп, 11,6 мың адамға жеткен.

Мұның басты себебі – қала өмірінің қымбаттауы дейді мамандар. Жұмыс іздеп қалаға келгендердің бәрі бірдей тұрақты әрі жеткілікті жалақы таба алмайды. Ал баспана жалдау, азық-түлік, көлік пен қызмет бағасы мегаполистерде өте жоғары.

Статистика тағы бір жайтты көрсетеді. Орта деңгейдегі азамат айына шамамен 110 мың теңге жұмсайды. Ал кедейлік шегінде жүрген адамдардың табысы бұл соманың жартысына да жетпейді. Яғни табыс шығынды жабуға жетпей отыр.

Коллажды жасаған Зәуреш Смағұл, «ЕQ»

Аз қамтылған 1,1 миллион адамның басым бөлігі – көпбалалы отбасылар. 890 мың адам дәл осы санатқа жатады. Бұдан бөлек, 57,9 мың адамның табысы тіпті ең қарапайым азық-түлік алуға да жетпейді. Мұндай адамдар саны бір жылда 28 пайызға артқан.

Мамандар кедейліктің қалаларға қарай ауа бастауы әлеуметтік қолдау жүйесін қайта ойластыру қажет екенін айтып отыр. Себебі қаладағы кедейлік тек ақшаның аздығы емес, ол баспана мәселесі, тұрақсыз жұмыс және өмір сапасының төмендеуімен қатар жүреді.

Соңғы жаңалықтар

Сарыағаштың бас шыршасын қиратқан жүргізуші ұсталды

Қоғам • Бүгін, 00:33

Головкин аңыз боксшылармен бір тізімге енді

Спорт • Кеше

Ресейде Whatsapp жұмысына шектеу қойылды

Әлем • Кеше

Маңғыстауда ауыз су тапшылығы жоқ

Аймақтар • Кеше

Павлодарда денсаулық сақтау басқармасына жаңа басшы тағайындалды

Тағайындау • Кеше

Маңғыстаудың жергілікті маңыздағы автомобиль жолдарының 97%-ы жақсы жағдайда

Инфрақұрылым • Кеше

Қазақстанның басым бөлігінде боран соғып, көктайғақ болады – Қазгидромет

Ауа райы • Кеше

Соңғы үш жылда Маңғыстау облысына 3 трлн теңгеге жуық инвестиция тартылған

Инвестиция • Кеше

Павлодарда мемлекеттік құпия мәліметтерді жинаған колонияның бұрынғы басшысы сотталды

Заң • Кеше

Дональд Трамп Қасым-Жомарт Тоқаевты Майамиде өтетін G20 саммитіне шақырды

Президент • Кеше

Маңғыстауда Орталық Азиядағы алғашқы теңіз аквашаруашылық жобасы іске асып жатыр

Табиғат • Кеше

«Үлгілі ауыл» байқауының жеңімпаздарына 20 трактор табысталды

Ауыл • Кеше

Жетісу облысында мал ұрлығына қатысы бар үш адам қамауға алынды

Қоғам • Кеше

Қасым-Жомарт Тоқаев АҚШ Президенті Дональд Трамппен телефон арқылы мазмұнды әңгіме өрбітті

Президент • Кеше

Атырауда арнайы экономикалық аймақ инвесторлары кедергіге тап болған

Экономика • Кеше

Барлық жаңалықтар