Қызылордада қатты жел электр сымдарын зақымдап, ағаштарды құлатты

АСТАНА, 26 ақпан – Sputnik. Қызылордада қолайсыз ауа райы көлік қозғалысына кедергі келтірді.

Жаңбыр, екпінді жел және одан туындаған көктайғақ қала жұртшылығын әбігерге салды. Кейбір аудандарда электр желілері үзіліп, ағаштар құлады, ал әкімдік қазір залалды қалпына келтіру жұмыстарын жүргізіп жатыр.

© Photo : Акимат КызылордыҚызылордада қатты жел электр сымдарын зақымдап, ағаштарды құлатты

Қызылордада қатты жел электр сымдарын зақымдап, ағаштарды құлатты

© Photo : Акимат Кызылорды

"Кеше түнде қатты жел электр желілерін, жарықтандыру бағаналарын және кабельдерді зақымдады. Мамандар мен мердігерлер қазіргі уақытта зақымдалған желілер мен кабельдерді қалпына келтіру жұмыстарын жүргізіп жатыр", - деп хабарлады әкімдікте.

Ақпанның 26-сынан 27-сіне қараған түні Қызылордада тағы да қар мен жаңбыр жауады деп күтіліп отыр. Кейде тұман мен қарлы борандар болады деген болжам бар.

© Photo : Акимат КызылордыҚызылордада қатты жел электр сымдарын зақымдап, ағаштарды құлатты

Қызылордада қатты жел электр сымдарын зақымдап, ағаштарды құлатты

© Photo : Акимат Кызылорды

Көктайғақ осы аймақта ғана емес, сонымен қатар басқа жерлерде де қозғалысқа кедергі келтірді. Жамбыл облысында түсірілген кадрларда жедел жәрдем көлігінің жолда сырғанап бара жатқанын көруге болады.

Елдің оңтүстігінде жаңбыр жауып жатса, Астанада аязды ауа райы сақталып отыр. Кеше түнде температура -30 градустан төмен түсіп, күндізгі температура 18-22 градус шамасында болды. Елордалық оқушылар қашықтықтан оқуға көшті.