Рахмет, Алматы : Олимпиада чемпионы Михаил Шайдоров туған қаласының тұрғындарына алғыс айтты

21 жастағы спортшы бұл маңызды оқиғаға арнап Instagram парақшасында қазақ және орыс тілдерінде жазба жариялады. Салтанатты қарсы алу рәсімінен түсірілген фотосуреттерді ол 2026 жылғы 1 наурыз күні бөлісті.

"Туған қалама, өз шаңырағыма оралдым. Қарсы алып, ықылас білдірген барша жанға шынайы алғысымды айтамын. Сіздердің қолдауларыңыз бен жылы лебіздеріңізді сезіндім. Рахмет саған, Алматы", — деп жазды Михаил.

Посмотреть эту публикацию в Instagram

Публикация от Mikhail Shaidorov (@mikhail_shaidorov)

Жанкүйерлердің жауабы да көп күттірмеді. Олар спортшыны туған қаласына оралуымен құттықтап, қазақстандықтарға сыйлаған қуанышы үшін алғыс айтып, алдағы жарыстарда сәттілік тіледі.

Пікірлер арасында: "Алматы сенің үйге оралғаныңа қуанышты!", "Сен — Қазақстанның мақтанышысың", "Халық сені жақсы көреді, қуаныш сыйлағаның үшін рақмет", "Керемет спортшы, жарқын болашағың алда!" деген жылы лебіздер жиі жазылған.