Ресейдегі Северсталь өнеркәсіп алаңында екі қазақстандық өлі күйінде табылды

Ресейдегі «Северсталь» компаниясының Череповец металлургия комбинатының (ЧерМК) өнеркәсіп алаңында екі қазақстандық өлі күйінде табылды, деп хабарлайды Arasha.kz.

«14 қаңтарда ЧерМК өнеркәсіп алаңының аумағында мердігер ұйымдардың екі қызметкері — Қазақстан азаматтары өмір белгілерінсіз табылды. Қазіргі уақытта өлім себептері тергелуде, оқиға орнында арнайы қызметтер жұмыс істеп жатыр. Біз қызметкерлердің жақындарына терең қайғырып көңіл айтамыз», — делінген «Северсталь» компаниясының мәлімдемесінде.

Ресейлік ТАСС агенттігінің мәліметінше, «оқиға орнында жедел-тергеу тобы да жұмыс істеп жатыр».

«Оқиғаның мән-жайы анықталуда», — деп хабарлады Ресей Тергеу комитетінің тергеу басқармасы.