Себастьен Лекорню үкіметіне сенімсіздік вотумы жарияланған жоқ

Француз үкіметі билікте қалған сыңайлы, енді кестеден айтарлықтай артта қалған мемлекеттік бюджет бойынша пікірталас басталуы мүмкін.

Бейсенбі күні Ұлттық Ассамблеяда жаңа үкіметке сенімсіздік білдіру мәселесі көтерілді. Алайда оппозициялық бастама тек 271 дауыс жинаған, премьер-министр отставкасы үшін қажетті 289 дауыс шегіне 18 дауыс жетпей қалды.

Франция парламентінде 577 депутат бар, олардың 271-і отставканы қолдап, 306-сы қарсы дауыс берген.

Француз баспасөзінің жазуынша, бұл С. Лекорню Социалистік партиядан парламент депутаттарының қолдауына ие болғанын білдіреді. С. Лекорнюдің күзден бастап президенттік сайлауға дейін зейнетақы реформасын тоқтата тұру туралы мәлімдемесінен кейін социалистер оның үкіметіне қарсы дауыс бермейтінін ашық білдірді.

Дауыс беруден кейін Ұлттық Ассамблея президенті Яэль Браун-Пиве «жұмысқа кірісу керек» деп қысқаша мәлімдеді. Төменгі палата спикері республикалық бюджеттің қабылдануын меңзесе керек, оның орындалу кестесі қазірдің өзінде орнатылған мерзімнен айтарлықтай кешігіп қалды.

Бұған дейін Францияда Лекорню басқаратын жаңа үкімет құрамы жарияланғанын жазған болатынбыз.