Семей университеті госпиталінде жүрекке 100 ден астам операция жасалды

Сондықтан бұл бағытта аурудың алдын алу шараларын күшейтіп, сондай-ақ мамандандырылған және жоғары технологиялық медициналық көмекті дамыту аса маңызды.

Семей университеті госпиталінің кардиохирургия бөлімшесінде 2025 жылы 101 ашық жүрекке операция, оның ішінде:

— 81 коронарлық артерияны шунттау;
— қолқа мен митралдық қақпақшаларды 20 ашық ауыстыру жасалды.

Жоғары технологиялық медициналық көмек аясында 19 түрлі бағыт бойынша 140 ота (медициналық араласу) жасалды.

Университет госпиталінің кардиохирургиялық қызметі Абай облысының тұрғындары үшін кардиологиялық көмек көрсету жүйесінің негізгі буынына айналды.

Технологияларды трансферттеу және мамандардың біліктілігін арттыру мақсатында ауруханаға Кардиология және ішкі аурулар ғылыми-зерттеу институтының басқарма төрағасы Рүстем Төлеутаев бастаған дәрігерлер тобы барды.

Делегация кардиохирургия бөлімшесінің, рентген-эндоваскулярлық зертхананың және балалар стационарының — өңірдегі балаларға арналған жалғыз көпбейінді медициналық мекеменің жұмысымен танысты.

Мастер-класс шеңберінде жоғары технологиялық операциялар:

— жасанды қанайналым жағдайында шағын қолжетімділік арқылы митралдық қақпақшаның пластикасы;
— жасанды қанайналым жағдайында шағын қолжетімділік арқылы қолқа қақпақшасын протездеу жүргізілді.

Бұған дейін ведомство алқасында министр МСАК деңгейінде ҚЖА профилактикасы мен ерте диагностикасын күшейтуді, өңірлерде кардиохирургиялық көмектің қолжетімділігін кеңейтуді, осы қызметтің кадрлық әлеуетін нығайтуды, сондай-ақ пациенттерді уақтылы бағыттау үшін үйлестіруді күшейтуді тапсырған болатын.

Бұған дейін балаларды шетелге кардиохирургиялық емге жолдау 5,2 есе қысқарғаны айтылды.