Семейдегі облыстық сот маңындағы төтенше жағдай: ер адам қаза тапты

Семейде облыстық сот ғимараты маңында ер адам қаза тапты. Оқиға туралы ақпарат әлеуметтік желілерде пайда болды. Куәгерлер оқиға орнынан суреттер мен видео жариялады, деп хабарлайды Tengrinews.kz тілшісі.

Әлеуметтік желідегі мәліметтерге сүйенсек, ер адам үстіне жанғыш сұйықтық төгіп, өзін-өзі өртеген болуы мүмкін. Бұл ақпарат әзірге ресми түрде расталған жоқ.

Instagram-дағы бұл жарияланымды көру

Бірінші Семей (@pervyi_semsky) жарияланымы

Жарияланған кадрлардан облыстық сот ғимараты маңында төтенше жағдайлар қызметінің мамандары жүргенін көруге болады.

Tengrinews.kz тілшісі оқиға орнына жедел жәрдем шақырылды ма және ер адам қандай күйде болғанын білу үшін денсаулық сақтау басқармасына хабарласты. Ведомство өкілдері бригада белгіленген уақыт ішінде жеткенін, алайда ол кезде ер адам көз жұмғанын хабарлады.

Сонымен қатар редакция оқиғаның мән-жайын анықтау үшін Абай облыстық полиция департаментінен түсініктеме күтіп отыр.

Солтүстік Қазақстанда әйел қауіпті әрекеттен кейін ауыр күйік алды

Биыл көктемде Солтүстік Қазақстан облысында 42 жастағы әйел үстіне бензин құйып, өзін-өзі өртеген еді. Төтенше жағдай Аққайың ауданындағы ауылдардың бірінде болды.
Жеке үйде әйел үстіне тез тұтанғыш сұйықтық төгіп, от қойған. Жедел жәрдем оны денесінің 80 пайызға жуығын термиялық күйік шалған және ауырсыну шогы жағдайында ауруханаға жеткізді.

Бізді Google-дың негізгі дереккөздер тізіміне қосыңыз