Сенатта халықаралық келісімдер топтамасы қаралады

Бюро мүшелері палатаның алдағы отырысын­да «Қазақстан Республикасының кейбір заңнама­лық актілеріне экология және экономиканың жекелеген салаларын жетілдіру мәселелері бо­йынша өзгерістер мен толықтырулар енгізу туралы» ҚР Заңын екінші оқылымда, сондай-ақ бірқатар халықаралық келісімнің ратифика­циясын қарау туралы қаулы қабылдады.

Отырыстың күн тәртібіне «Психологиялық қызмет туралы» ҚР Заңы шығарылды. Онда уәкілетті мемлекеттік органдар мен жергілікті атқарушы органдардың құзыреттері, сондай-ақ психологтар мен психологиялық көмек алушы­лардың негізгі құқықтары мен міндеттері бел­гіленеді.

Заңдардың келесі топтамасында «Қазақстан Республикасындағы кейбір заңнамалық акті­леріне мемлекеттік басқару және жергілікті өзін-өзі басқару мәселелері бойынша өзгерістер мен толықтырулар енгізу туралы», «Қазақстан Республикасындағы кедендік реттеу туралы» Қазақстан Республикасының Кодексіне өзгеріс­тер мен толықтырулар енгізу туралы», «Кредиттік рейтингтік қызмет туралы»,  «Қазақстан Рес­публикасының кейбір заңнамалық актілеріне қаржы нарығын жетілдіру және цифрландыру, банкроттық, сондай-ақ мемлекеттік органдарды бағалау мәселелері бойынша өзгерістер мен толықтырулар енгізу туралы» және «Қазақстан Республикасының кейбір заңнамалық актілеріне әлеуметтік заңнаманы жетілдіру мәселелері бойынша өзгерістер мен толықтырулар енгізу туралы» заңдар бар.

Сонымен қатар алдағы бейсенбіде депутаттар бастамашылық еткен «Радиоактивті қалдық­тармен жұмыс істеу туралы» және оған ілеспе «Қазақстан Республикасының кейбір заңнамалық актілеріне радиоактивті қалдықтармен жұмыс істеу, энергетика және атом саласын дамыту мәселелері бойынша өзгерістер мен толықтырулар енгізу туралы», «Жер қойнауы және жер қойнауын пайдалану туралы» Қазақстан Республикасының Кодексіне радио­активті қалдықтармен жұмыс істеу және жер қойнауын пайдалану жөніндегі операцияларды реттеуді жетілдіру мәселелері бойынша өзгерістер мен толықтырулар енгізу туралы» заңдар да қаралады. Мұнда радиоактивті қалдықтармен жұмыс істеу саласындағы қатынас­тарды реттеу тетіктерін белгілеу және күшейту – басты мақсат болып отыр. Заңда сондай-ақ радиоактивті қалдықтарды жіктеу, ядролық материалдарды, радиоактивті заттарды радио­активті қалдықтар санатына ауыстыру, радио­актив­ті қалдықтармен жұмыс істеу түрлерін са­натқа бөлу реттеледі.