Шомылуға барған: Атырау облысында жасөспірім табылмай жатыр

АЛМАТЫ, 7 шілде – Sputnik. Атырау облысы Индер ауданында Жайық өзеніне батып кеткен 13 жастағы жасөспірімді іздестіру жұмыстары екінші күнге жалғасып жатыр, деп хабарлайды Sputnik Қазақстан.
Жасөспірім ағасымен бірге шомылуға барып, суға батып кеткен. Оқиға 5 шілде күні Есбол ауылында болған.

"Жеке құрамның 13 адамы, 3 бірлік техника және 3 жүзу құралы іздеу жұмыстарын жүргізіп жатыр. Жасөспірім сағат 15:30-да тыйым салынған жерде шомылған", - дейді Атырау облысының төтенше жағдайлар департаменті.

"Наутилус-50" мобильді іздеу кешенін пайдалана отырып, шамамен 1200 шаршы метр су айдынының түбіне зерттеу жүргізілді. Құтқарушылар 15 сүңгуір жұмыстарын жүргізді, шамамен 1700 шаршы метр аумақ тралинг әдісімен зерттелді, дейді құтқарушылар.