ШҚО да Шығыс Салбурыны фестивалі өтіп жатыр

Шығыс Қазақстанда «Шығыс Салбурыны» фестивалі өтіп жатыр. Аңшылық-саятшылық өнерді дәріптеуге арналған шара Бозанбай ауылындағы Бүркіт төбеде  ұйымдастырылды.

Қыран құстың қырағылығы мен құсбегілердің шеберлігі сыналатын додаға 100-ден аса бүркітші қатысуда.

Ел шығысында сән салтанаты келіскен әдемі бір той басталды. Осымен бесінші рет Салбурын ұйымдастырылып жатыр. Оған келген 100 ден аса саятшы 81бүркіт, 11қаршыға 14ителгі әкелді. Жұтынып тұрған қыранын қолына қондырған қатысушылар арасында 6 мемлекеттің өкілі де бар. Олар Моңғолия Мажарстан, Қытай, Қырғызстан, Испания, Ресей елінен келгендер. Кеше мұнда тек бүркіттер арасында шырға тарту, қолға шақыру сайыстары болса, бүгін ителгі мен қаршығалар арасында сондай бәсеке өтті.

Сананы сандық технология мен жасанды интеллект игеріп бара жатқан заманда құсбегілікті бұқаралық сипаттағы спортқа айналдыру - бүгінгі шараның басты мақсаты. Айтпақшы, Салбурын «Юнесконың материалдық емес құндылықтар тізіміне» енуі мүмкін.

Бағдат Мүптекеқызы, қазылар алқасының мүшесі:

- Салбурын - қазақтың ұлттық аңшылық өнері, мәдениеті деген тақырыппен Юнесконың материалдық емес, құндылықтар тізіміне енгіздік. Келесі жылы Салбурын әлемдік деңгейдегі біздің мәдени мұра қатарына кіреді.

Бимұрат Жақысыбек Алматы облысынан арнайы келген. 13 жасынан бері құс баптап келе жатқан ол Салбурынға екінгі рет қатысып отыр.

Бимұрат Жақсыбаев, бүркітші:

- Жоқ дегенде 30-40 күн дайындаламыз. Дегенмен енді қолға келіп, кеше қолға түспей қалды. Аттан жырақтап жердің деңгейінен биік болды. Аласа жерде шақырып үйретіп алған жағдайымыз бар.

Мажарстанан келген сайыскерлер де сайын даладағы көрініске тәнті болды.

Гергей Бодиш, жарысқа қатысушы:

- Сайыс өз алдына, бұл жерден нағыз ұлттық рух терең тарих сезіледі. Адамдар да, құстар да тіпті әрбір тау-тас та дәстүрден хабар бергендей. Құсбегілік өнердің дамуына осы да әсер еткен болар.

Жарыс өтіп жатқан осы Бозанбайдағы Бүркітөбе маңына 40 үй тігіліп, шағын ауыл бой көтерді. Жиын тойды тамашалауға келген туристер де көп.

Кеше басталған Салбурынның ең қызық бөлігі ертең осы жерде жалғасып, жеңімпаздар жарияланады. Ал жүлде қоры 4 млн теңге.

Авторлары: Эльмира Ахметова, Дмитрий Пыхтин