Шүкір айтуға ертерек сияқты : Жұлдыз Әбдікәрімова жазбасымен оқырманды ойландырып қойды

Актриса Жұлдыз Әбдікәрімова әлеуметтік желіде жазба жариялап, оқырмандарына сырт шертті, – деп жазды Aikyn.kz.

Жақында ана атанған актриса қазір көңіл күйі ойдағыдай екенін атап өтті. Дегенмен шығармашылықта әлі де көптеген жетістіктерге жетуді армандайтынын, алда көп жоспары бар екенін айтты.

"Сәуір болды, енді бәрі де тәуір болар. Дәл қазіргі шақтағы көңіл сарайым тамаша. Шүкір. Үйімізден қонақ үзілмей, талай тілек тіленіп, бата беріліп жатыр. Балалар өз болашақтарына әрекет қылып келеді. Рәбия Сұлтанымыз жасына сай дамып, еңбектеп қалды. Ай астындағы жылжып жатқан әдепкі тіршілік үшін тәубе деймін. Тәубә! Бірақ шүкір айту ертерек сияқты. Олай деуімнің себебі, айнадағы бейнем былай деді: “Өнердегі жасайтын шаруа бастан асатындай сезіледі. Иә, бұған дейін де жасағанымыз бар. Көпшілік үшін көлемі бармақтай болғанымен, өзің үшін салмағы мың батпан еді. Егер бізде шұғылалы нұр демейін, жіптік сәуледей зерде болса, таудай демейін, тобықтай талап болса, бармақтай демейін, тырнақтай бақ болса, ол - бізге сұраусыз берілген сый емес. Несие. Өнер жолында парыз арқалатқан, қоғам алдындағы қарызымыз. Демек, әлі де құнды, мәнді, мазмұнды шығармашылық алдағы уақыт еншісінде!”. Мен айнадағы бейнеммен келіскендей болдым", – деп жазды актриса.

Сараптама, зерттеу мақала, күнделікті өзекті ақпаратты «Айқынның»   TELEGRAM   арнасынан табасыз.