Синоптиктер қазан айының соңына дейін Астана мен Алматыға арналған ауа райы болжамын берді

Қазанның соңғы күндері Астана мен Алматыда ауа райы айтарлықтай өзгеше болады. Елордада түнде өткінші жаңбыр мен қар күтілсе, Алматыда жауын-шашын тек 30 қазанда жауады деп болжанады, деп хабарлайды Tengrinews.kz Қазгидрометке сілтеме жасап.

Астанада ауа райы қандай болады?

29 қазанда елордада күн құбылмалы болады, күннің екінші жартысында өткінші жаңбыр жауады. Солтүстік-батыстан соғатын желдің жылдамдығы: түнде секундына 5-10 метр, күндіз 9-14 метр. Ауа температурасы түнде -2...-4 градус, күндіз +9…+11 градус жылы болады.

30 қазанда күн райы құбылмалы болады, түнде қар, күндіз өткінші жаңбыр жаууы ықтимал. Солтүстік-батыстан соғатын желдің жылдамдығы секундына 7-12 метр. Түнде -1...-3 градус, күндіз +5…+7 градус жылы.

31 қазан, сенбі күні Астанада күн құбылмалы болады, жауын-шашын күтілмейді. Солтүстік-батыстан соғатын желдің жылдамдығы секундына 7-12 метр. Түнде -2...-4 градус, күндіз +7…+9 градус жылы.

29 қазанда Алматыда күн райы құбылмалы болады, жауын-шашынсыз. Солтүстік-шығыстан соғатын желдің жылдамдығы секундына 3-8 метр. Түнде +1…+3 градус, күндіз +11…+13 градус жылы болады.

30 қазанда күн райы құбылмалы, күндіз жаңбыр жауады. Солтүстік-шығыстан соғатын желдің жылдамдығы секундына 3-8 метр. Түнде -1...-3 градус, күндіз +12…+14 градус жылы.

31 қазан күні қалада күн құбылмалы, жауын-шашын күтілмейді. Солтүстік-шығыстан соғатын желдің жылдамдығы секундына 3-8 метр. Түнде +1…+3 градус, күндіз +12…+14 градус жылы.

Бұған дейін синоптиктер қазанның соңғы күндері Қазақстанның батыс және оңтүстік өңірлерінің тұрғындарын жылы ауа райымен қуантатынын хабарлаған болатын. Күндіз бұл аймақтарда ауа температурасы +22 градусқа дейін көтеріледі, алайда елдің солтүстігі мен шығысында көбіне қар түрінде жауын-шашын күтіледі. Толық болжамды осы жерден оқыңыз.

Бізді Google-дың негізгі дереккөздер тізіміне қосыңыз