Таразда көлік басқарған жасөспірім полицейлерден қашуға тырысты

Полицейлер қала көшелерін аралау кезінде жүргізушісі жол ережесін өрескел бұзған Mercedes-Benz көлігін байқайды. Ол тоқтау туралы өтінішті елемей, қарсы көлікке шығып, қашуға әрекеттенген.

Қала көшелерін аралап кете жатқан патрульдік полиция қызметкерлері жүргізушісі жол қозғалысы ережелерін өрескел бұзған Mercedes-Benz көлігіне назар аударды. Тоқтау талабын елемеген жүргізуші қарсы жолаққа шығып, жасырынуға тырысты. Алайда көлік тез арада тоқтатылды.

Белгілі болғандай, көлікті жүргізуші куәлігі жоқ кәмелетке толмаған жасөпірім басқарған. Ол көліктің заңды иесі — әпкесінің рұқсатынсыз алған.

Полицияның мәліметінше, жасөспірім мен көліктің иесі ҚР Әкімшілік құқық бұзушылық туралы кодексінің бірнеше бабы бойынша әкімшілік жауапкершілікке тартылған. Автокөлік арнайы айып тұрағына қамалды.

Полицейлер ата-аналарды балаларының іс-әрекетіне мұқият болуға және рұқсатсыз көлік жүргізуіне жол бермеуге шақырады. Мұндай сапарлар жасөспірім үшін де, жол қозғалысының басқа қатысушылары үшін де ауыр зардаптарға әкелуі мүмкін.

Айта кетейік, Солтүстік Қазақстан облысындағы трассада жол-көлік оқиғасы болып, бір адам көз жұмды.