Таяу Шығыс елдерінен Қазақстанға екі күнде 26 рейс тоқтатылды

АСТАНА, 1 наурыз – Sputnik. Таяу Шығыс елдерінен Қазақстанға 28 ақпанда 14 рейс және 1 наурызда 12 рейс тоқтатылды. Бұл туралы Көлік министрлігіндегі жедел штаб отырысында айтылды.

Қазіргі уақытта келесі мемлекеттерде: Иран, Израиль, Біріккен Араб Әмірліктері, Бахрейн, Кувейт, Иордания, Сауд Арабиясы, Қатар, Оман, Ирак және Ливан әуе кеңістігі жабық немесе қауіпті жағдайда тұр.

"Осыған байланысты осы елдерден Қазақстанға 28 ақпанда 14 рейс және 1 наурызға 12 рейс тоқтатылды. Сондай-ақ, ұшу кестесі бойынша Таяу Шығыс елдерінен 2 наурызға 13 рейс жоспарланған", - деп жазылған Көлік министрлігінің хабарламасында.

Сонымен қатар отырыста аталған мемлекеттердегі жолаушылар саны, оның ішінде Қазақстан азаматтарының жағдайы қаралды. Отандық әуе компанияларымен бірлесіп Таяу Шығыс елдерінен азаматтарды алып келу үшін баламалы әрі қауіпсіз әуе бағыттары талқыланды.

Әуе кеңістігі ашылған жағдайда әуе компаниялары әуе кемелерін ұсынуға және кері рейстерді орындауға дайын екенін мәлімдеді.

Жолаушыларға жедел көмек көрсету мақсатында "Авиациялық әкімшілік" АҚ базасында тәулік бойы жұмыс істейтін колл-орталық ұйымдастырылды:

+7 7172 77 98 21

+7 7172 79 82 13

+7 7172 79 82 14

Рейстер мәртебесі бойынша жолаушыларға келесі байланыс нөмірлеріне жүгіну ұсынылады:

Air Astana

+7 727 244 44 77

+7 7172 58 44 77

+7 702 702 44 77

FlyArystan

+7 727 331 10 10

WhatsApp: +7 702 702 02 27

SCAT Airlines

+7 7252 99 88 80

Qazaq Air

+7 727 356 14 14

Нұрсұлтан Назарбаев атындағы халықаралық әуежай

+7 7172 702 999

Алматы халықаралық әуежайы

+7 727 228 00 19