Таза Бейсенбі : Жайық жағалауы тазартылды

Атырауда «Таза Бейсенбі» акциясы аясында «Жастар Рухы» жастар қанатының мүшелері тазалық жұмыстарын жүргізді.

50-ден аса белсенді Жайық өзенінің жағасын тазалап, жарты тонна қоқыс шығарды. Сондай-ақ балықшылар мен демалушыларға қоршаған ортаның тазалығы мен табиғатты қорғаудың маңызын түсіндірді. Экологиялық акция облыс орталығында ғана емес, әр ауданда апта сайын өтеді. «Тұрғындардың экологиялық мәдениетін қалыптастыруда экоакцияның маңызы зор» - дейді шараға қатысушылар.

Жарас Мұхамбетов, студент:

-Осылай жылда жағаны тазалап келіп тұрамыз. Мысалы, қазір біз мына жерде қағаз бен пакет, бөтелке секілді қоқыс заттарды тазалап жатырмыз.

Абылай Құрметұлы, «Жастар рухы» жастар қанаты облыстық филиалының төрағасы:

-Ең таза жер жиналған жер емес, шашылмаған жер деп білемін. Сондықтан да қазіргі таңда «Таза Қазақстан» идеологиясы бар және экологиялық мәдениетті арттыру бар, соның нәтижесінде қоғамның көзқарасы, экологиялық мәдениеті өте жоғары деңгейде қалыптасқан. Жалпы жастардың да «Таза Қазақстан» жобасына, жалпы қоршаған ортаны қорғауға деген құлшынысы өте жоғары.