Теңгеге байланған стейблкоинге сұраныс артады Ұлттық банк сарапшысы

Оның айтуынша, Қазақстандағы ұлттық валютаға байланған стейблкоин маңызды қаржы тетігі саналады.

– Мұның ерекшелігіне тоқталсақ, ұлттық валютамен қамтамасыз етіледі. Қазір ол біздегі криптонарықтағы транзакциялар жасау үшін, яғни криптоактивтерді сатып алу немесе сатуда есеп айырысу тетігі ретінде қолданылады. Келешекте бұл стейблкоин халықаралық төлемдерде трансшекаралық есеп айырысу схемасында пайдаланылады. Осы орайда стейблкоинге қатысты сұраныс жоғары болады, - деді Б. Смекенов. 

Оның айтуынша, осы процестегі халықтарылық төлемдер аясында ұлттық валютамыз теңгені қолдану кеңістігін кеңейтеді. 

– Қазір Ұлттық банктің реттеуші сынақ алаңында теңгеге байланған стейблкоин іске қосылып жатыр. Алдағы уақытта алтынға байланған стейблкоиндар болуы мүмкін. Бізге стартаптар келсе, оларды қарастыруға дайынбыз, - деді сарапшы. 

Еске салсақ, биыл қыркүйек айында Қазақстанда теңгеге байланған алғашқы стейблкоин іске қосылды.  

Бұл тұрғыда Еуразиялық банктің басқарма төрағасы Ләззат Сатиева теңгеге байланған стейблкоинді пайдалану мүмкіндігі жайында түсіндірді.