Тоқаев Олжас Бектеновті қабылдады

Мемлекет басшысы премьер-министр Олжас Бектеновті қабылдады, - деп хабарлайды Tengrinews.kz тілшісі Ақордаға сілтеме жасап.

Кездесу барысында Президент Қасым-Жомарт Тоқаев Үкіметтің алдағы кезеңге арналған басты міндеттерін айқындап, елдің әлеуметтік-экономикалық дамуына қатысты бірқатар тапсырма берді.

Мемлекет басшысы экономикалық өсімнің тұрақты қарқынын қамтамасыз ету, мемлекеттік басқару тиімділігін арттыру және азаматтардың әл-ауқатын дәйекті түрде жақсарту қажет екеніне назар аударды.

Президент барлық мемлекеттік органды ортақ іске жұмылдырып, орындаушылық тәртіпті күшейтуді және Үкімет қызметінде нақты нәтижелерге қол жеткізуге баса мән беруді тапсырды.

Еске салайық, бұған дейін Олжас Бектенов Үкімет басшысы болып қайта тағайындалған болатын. Құрылтай депутаттарына оның кандидатурасын Президент Қасым-Жомарт Тоқаев ұсынды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

ҚАЗІР ТАЛҚЫЛАНЫП ЖАТЫР

Қызылорда облысында жыл басынан бері 88 мыңнан астам ағаш көшеті егілді

29 тамыз 15:33 1

Google News арқылы жаңалықтарымызды қадағалаңыз