Трамп азық түлікке салынған баждарды алып тастады

Бұл қадамды ол америкалықтардың өсіп келе жатқан наразылығы аясында жасады, деп хабарлады Ақ үй. Баждар кофе, сиыр еті, банан, апельсин шырыны және басқа да 200-ден астам тауардан алынды, деп хабарлайды Arasha.kz.

Deutsche Welle мәліметінше, бұл шешім Трамптың сауда саясатындағы күтпеген бұрылыс болды. Бұған дейін ол жыл басында енгізілген жоғары баждардың бағаның өсуіне әкелмейтінін мәлімдеген еді. Air Force One бортында журналистердің сұрақтарына жауап бере отырып, АҚШ президенті тарифтер «кей жағдайларда» шығынды арттыруы мүмкін екенін мойындады. Сонымен қатар елде «дерлік инфляция жоқ» екенін атап өтті.

Президент әлеуметтік бастамалардан бас тартпайтынын және келесі жылы төмен және орта табысы бар америкалықтарға бұрын енгізілген баждардан түскен қаражат есебінен 2000 доллардан төлеуді жоспарлап отырғанын айтты.

Айтпақшы, 13 қарашада Трамп үкіметті қаржыландыру туралы заңға да қол қойды. Осылайша ол АҚШ тарихындағы ең ұзақ шатдаунды аяқтады.