Трамп Қытайды АҚШ тағы сайлауға ықпал етуге тырысты деп айыптады

Фото: GROK

Deutsche Welle басылымынан мәлім болғандай, Трамптың айтуынша, Қытай құрылымдары шамамен 220 миллион америкалық сайлаушының деректеріне қол жеткізген. Мәліметтердің бір бөлігі сатып алынған, ұрланған немесе кибершабуыл арқылы алынған болуы мүмкін. Бұл деректер 2020 жылғы сайлаудың нәтижесіне ықпал ету үшін пайдаланылған болуы ықтимал.

2020 жылғы сайлауда демократ Джо Байден жеңіске жеткен болатын. Президенттің сөзінше, Қытайдың дауыстарды өзгертуге қатысы болуы мүмкін.

Трамптың пікірінше, Қытай оның жеңілуіне мүдделі болған. Себебі оның әкімшілігі Қытайға экономикалық қысымды күшейтіп, миллиардтаған долларлық кедендік баж салығын енгізуді, сондай-ақ АҚШ-тың әскери қуатын арттыруды жоспарлаған.

Дональд Трамп: АҚШ НАТО құрамында қала береді

Трамп тергеу жүргізуге – Ұлттық барлау директорының басқармасын, АҚШ Әділет министрлігін, Федералдық тергеу бюросын (ФБР), Орталық барлау басқармасы (ЦРУ) шақырды.

Үндеуінің соңында Трамп Қытайдың ықтимал араласуы туралы ақпараттың неге бұған дейін жария етілмегенін анықтауды талап етті. Сондай-ақ ол кінәлілерді жауапкершілікке тартуға және жеткілікті негіз болған жағдайда қылмыстық іс қозғауға шақырды.

Осылайша, Трамптың мәлімдемесі 2020 жылғы АҚШ президенттік сайлауына қатысты ең даулы саяси тақырыптардың біріне айналды.

Бұған дейін АҚШ президенті Дональд Трамп 17 шілдеде халыққа үндеу халыққа үндеу жариялайтынын мәлімдегені туралы хабарлаған едік.