Трамп сәуір айында Қытайға барады

— Мен Төраға Си Цзиньпинмен өте жақсы араласамын. Мен Қытайға сәуір айында барамын, — деді америкалық көшбасшы Ақ үйде Батыстың ірі мұнай компанияларының басшыларымен Венесуэла төңірегіндегі жағдайды талқылаған кездесуде.

Трамп алдағы сапарды қазан айында Си Цзиньпинмен телефон арқылы сөйлескеннен кейін жариялап, Қытай басшысының 2026 жылдың сәуірінде Қытайға бару туралы шақыруын қабылдағанын атап өтті.

АҚШ президентінің айтуынша, осыдан кейін Қытай төрағасының АҚШ-қа мемлекеттік сапары жоспарланған.

АҚШ-тың Қаржы министрі Скотт Бессент бұған дейін Дональд Трамп пен Си Цзиньпин 2026 жылы төрт рет кездесуі мүмкін деп болжаған. Ол екі мемлекеттік сапардан бөлек, АҚШ-тың Флорида штатындағы Дорал қаласында өтетін G20 саммитінде, сондай-ақ Қытайдың Шэньчжэнь қаласында өтетін Азия-Тынық мұхиты экономикалық ынтымақтастығы форумы аясында келіссөздер жүргізуге болатынын атап өтті.

Осыған дейін Дональд Трамп Қытай басшысы Си Цзиньпинмен болған кездесуі тұрақты бейбіт өмір мен табысты қамтамасыз ететінін айтты.