Тұрғындардың шағымынан кейін Атырау мұнай өңдеу зауытында экологиялық кемшіліктер анықталды

Атырау облысының экология департаменті Атырау мұнай өңдеу зауытында жоспардан тыс тексеру жүргізіп, аяқтады. Тексеруге тұрғындардың ауа сапасына қатысты көптеген шағымдары себеп болды. 

Тексеру барысында бірқатар экологиялық бұзушылықтар анықталды.

Нақты айтқанда, шығарындыларды есептеу жүргізілмеген және ЭЛОУ-АТ-2 (№2 атмосфералық түтік пеші бар электрлік тұзсыздандыру қондырғысы) және ЭЛОУ-АВТ-3 (№3 атмосфералық-вакуумдық түтік пеші бар электрлік тұзсыздандыру қондырғысы) кейбір технологиялық пештері, сондай-ақ кешіктірілген кокстау қондырғысының резервуарлары үшін рұқсат етілген шығарындылар стандарттары анықталмаған.

Сонымен қатар, 2026 жылғы 25 тамызда және 2-7 қыргүйек аралығында күкіртті қалпына келтіру қондырғысында (ҚКҚ) және каталитикалық крекинг қондырғысында (ККҚ) болған төтенше жағдайлар нәтижесінде алау қондырғысына апаттық газ шығарындылары болғаны анықталды. 

Осы кезеңдерде жағылған газдың жалпы массасы 100 тоннадан асты. 

Сонымен қатар, жоспардан тыс тоқтап қалу жағдайы мен жөндеу жұмыстары жүргізілгені де тіркелді.

Төмендегі өндіріс нысандарындағы жеке көздердегі өнеркәсіптік шығарындыларды аспаптық бақылау кезінде көміртегі тотығы, азот оксиді және азот диоксиді бойынша белгіленген шығарындылар нормаларының асып кетуі тіркелді:

Атап айтқанда ХКӨ (хош иісті көмірсутек өндірісі) құрамына кіретін бензолды қалпына келтіру блогы бар CCR (үздіксіз катализатор регенерациясы) каталитикалық риформинг қондырғылары; ЖжЭЭӨ (жылу және электр энергиясын өндіру); БДГҚ-2 жеңіл бензин изомерлеу қондырғысында кемшіліктер анықталған. 

Экологтар тексеру барысында автоматтандырылған шығарындыларды бақылау жүйесін пайдалану және қолайсыз метеорологиялық жағдайлар кезеңінде стационарлық көздерден шығарындыларды азайту шараларын жүзеге асыру талаптарының бұзылуын анықтады.

2026 жылдың 1 қазанында прокурор әкімшілік құқық бұзушылық туралы істерді қозғау туралы шешімдерді келісілді. Іс материалдары қарау және шешім қабылдау үшін сотқа жолданды.

Сонымен қатар, қылмыстық құқық бұзушылық белгілерінің бар-жоғын анықтау және тиісті процессуалдық шешім қабылдау үшін тексеру материалдары құқық қорғау органдарына жолданды.

6 қазан, 17:19