Түркістанда науқастан қырық сантиметрлік ұйыған қан алынды

АСТАНА, 16 сәуір – Sputnik. Түркістанда хирург дәрігерлер жас жігіттен 40 сантиметрлік ұйыған қанды алып тастады.

"Науқас жаппай тромбозбен түсті: ұзындығы 40 сантиметрден асатын ұйыған қан оның аяғынан жүрегіне дейінгі қан тамырларын бітеп тастаған. Бұл өлім қаупі жоғары ауыр жағдай", - дейді дәрігерлер.

Алматыдан шұғыл түрде ұшып келген қантамыр хирургы және медицина ғылымдарының докторы Ғалымжан Әзімбаев бастаған дәрігерлер бригадасы дәстүрлі хирургиялық тәсілден бас тартып, оның орнына елде бұрын қолданылмаған аз инвазивті әдісті қолдануды ұйғарған.

"Тамырішілік ультрадыбыстық тромболиз алғаш рет EKOS жүйесі арқылы жасалды. Сайып келгенде, тромб ашық операциясыз ерітіліп, 24 сағат ішінде науқастың қан айналымы толығымен дерлік қалпына келтірілді", - делінген хабарламада.

Мамандардың айтуынша, Қазақстанда жыл сайын тромбоздың 30 мыңнан астам жағдайы тіркеледі және оның 12 мыңға дейіні бүкіл әлем бойынша өлімнің басты себебі болып табылатын тромбоэмболиямен асқынуы мүмкін.