Түркияда мектепте бұрынғы оқушы оқ жаудырды 16 адам зардап шекті

Түркияның Шанлыурфа провинциясы Сиверек ауданындағы Ахмет Коюнджу атындағы кәсіптік-техникалық Анадолы лицейінде қарулы шабуыл болды. Алдын ала мәліметтер бойынша, оқиғаны мектептің бұрынғы оқушысы ұйымдастырған, деп хабарлайды Tengrinews.kz тілшісі Нaber7-ке сілтеме жасап.

Түркияның Шанлыурфа провинциясы Сиверек ауданындағы Ахмет Коюнджу атындағы кәсіптік-техникалық Анадолы лицейінде қарулы шабуыл болды. Алдын ала мәліметтер бойынша, оқиғаны мектептің бұрынғы оқушысы ұйымдастырған, деп хабарлайды Tengrinews.kz тілшісі Нaber7-ке сілтеме жасап.

14 сәуірде таңертең мылтықпен қаруланған жігіт оқу орны аумағына басып кіріп, аулада бейберекет оқ жаудырған. Кейін ғимарат ішіне кіріп, оқушылар мен мұғалімдерге қару кезеніп, шабуылын жалғастырған.

СОҢҒЫ МӘЛІМЕТ | Шанлыурфадағы мектепке жасалған шабуыл сәті белгілі болды: pic.twitter.com/Qjfmlm4ir1

— KIT Ajans (@KitAjans) April 14, 2026

Мәліметтерге қарағанда, кейбір оқушылар терезеден секіріп, жандарын сақтап қалмақ болған. Қауіпсіздік күштері мектептен адамдарды жедел түрде эвакуациялады.

Татарстан астанасы Қазандағы мектепке жасалған шабуыл сәті. Оқ дауысынан кейін терезеден секіргендер көрінеді. pic.twitter.com/YUNdaUiUG6

— Pusholder (@pusholder) May 11, 2021

Шанлыурфа губернаторы Хасан Шылдактың айтуынша, атыс салдарынан 16 адам зардап шеккен: 10 студент, 4 мұғалім, бір полиция қызметкері мен асхана жұмысшысы.

Шанлыурфада шабуыл жасалған мектеп эвакуацияланды.
Қылмыскердің көзін жою бойынша жұмыстар жалғасуда. (İHA) https://t.co/ASX2dcPm2n pic.twitter.com/VGLkhMdu5h

— DarkWeb Haber (@darkwebhaber) April 14, 2026

Шабуыл кезінде қаза тапқандар жоқ екені атап өтілді.

Губернатордың нақтылауы бойынша, шабуылшы бұған дейін осы мектепте 9-сыныпқа дейін оқып, кейін "ашық орта мектеп" бағдарламасына ауыстырылған.

Урфа Сиверектегі мектепке қарулы шабуыл жасалды...
Қылмыскер оқушыларды кепілге алды. pic.twitter.com/BCxmW9bnJa

— Bu Tag Neden Var (@taghaberleri) April 14, 2026

Билік өкілдерінің айтуынша, ол полиция операциясы басталғаннан кейін сол қарумен өз-өзіне қол жұмсаған.

Губернатор Шылдак оқиғаның жан-жақты зерттеліп жатқанын жеткізіп, зардап шеккендерге көңіл айтты. Түркия Ішкі істер министрлігі ауқымды тергеу басталғанын және оның қорытындысы жарияланатынын мәлімдеді.

Сондай-ақ билік болған жағдайдың барлық мән-жайы, соның ішінде оқу орындарындағы қауіпсіздік шаралары қарастырылатынын айтты.

Следите за нашими новостями в Google News