Түркияда туристер мінген шағын автобус аударылып, 15 адам зардап шекті

Түркияның Анталья провинциясы, Кумлуджа ауданында туристер тобын тасымалдаған шағын автобус жолдан шығып, жыраға аударылды. Апат салдарынан 15 адам зардап шекті, деп хабарлайды Tengri Travel Akdeniz Gerçek басылымына сілтеме жасап.

Жол-көлік оқиғасы Кумлуджа ауданы, Мавикент орамындағы Чердин елді мекенінде болған. Шағын автобус Адрасан орамынан шығып, тауға шығуға бет алған альпинистерді тасымалдаған. Алдын ала мәліметтер бойынша, жүргізуші рөлге ие бола алмай қалған.

Antalya’da Dağcıları Taşıyan Minibüs Devrildi! 15 Yaralı https://t.co/kVojO6nDOh #Antalya

— Akdeniz Gerçek (@AkdenizGercek) 26 қазан, 2026 жыл

Оқиға орнына жедел жәрдем бригадалары, өрт сөндірушілер мен жандармерия жіберілді. Дәрігерлер зардап шеккендерге, соның ішінде жүргізушіге алғашқы көмек көрсетті. Барлық 15 адам жедел жәрдем көліктерімен Кумлуджа және Финике ауруханаларына жеткізілді.

Зардап шеккендердің жағдайы туралы егжей-тегжейлі ақпарат әлі жарияланған жоқ. Жандармерия апаттың мән-жайын тергеуді бастады.

Бұған дейін түрік БАҚ-тары 26 жастағы Қазақстан азаматы Айсұлу Бекмаханованың қайтыс болғанын хабарлаған еді. Алдын ала мәлімет бойынша, қыз алтыншы қабаттағы пәтердің балконына шығып, белгісіз себептермен көрші үйдің шатырына өткен. Содан кейін шатырдың ортасына қарай беттеген.

Ол бос кеңістіктің үстіне орнатылған қалқаны басып кеткен болуы мүмкін деген болжам бар. Конструкция шыдас бермей, қыз ғимараттың минус екінші қабатына дейін құлап кеткен. Алған жарақаттарынан Бекмаханова оқиға орнында көз жұмды.

Қазақстанның Сыртқы істер министрлігі қазақстандық қыздың қаза тапқанын растады.

Бізді Google-дың негізгі дереккөздер тізіміне қосыңыз