Түркияда түрлі салада табысты еңбек етіп жүрген қандастарымыз марапатталды

Түркияда түрлі салада табысты еңбек етіп жүрген қандастарымыз «Отандастар» қорының алғыс хатымен марапатталды.

Салтанатты іс-шараны Түркиядағы Қазақстан Республикасының елшілігі ұйымдастырды. Марапат алғандардың қатарында ұлттық құндылығымыз бен салт-дәстүрімізді дәріптеп жүрген мәдениет саласының өкілдері, қазақ тарихы мен әдебиетін шетелде танытып жатқан ғалымдар бар. Ел игілігі үшін медицина саласында еңбек ететін білікті дәрігерлер де алғыс төрінен көрінді. Марапат шетелде ұлттық рух пен мәдени мұраны насихаттап, ел мерейін асқақтатып жүрген азаматтардың жетістігін ұлттық мақтанышқа айналдыруды көздейді.

Гүлжанат Құрманғалиева Эрджиласун, Анкара Қажы Байрам Вели Университетінің профессоры:

-1992 жылдан бері білім алып, Түркияда болып жатырмын. Осында жүргеннен бері жалпы түрік еліне, жалпы әлемге қазақ халқын, қазақ тарихын, мәдениетін, тілін таныстыруға біраз еңбек сіңіріп жатырмыз. 02.48 Отандастар қорының Президентінің алғыс хатымен марапатталып жатқаныма өте қуаныштымын. Біз әрине қайда жүрсек те жүрегіміз қазақ деп соғады. Алыста болсақ та, біз елімізге еңбек етіп  жатырмыз.

Әлімжан Баймұрат, Гази университетінің оқытушысы, ортопед-травматолог:

-16 жылдан бері жұмыс істеп жатырмын бұл салада. Қазақстанға жиі барамын, Қырғызстанға жиі барамын. Конференцияға барамын. Өзімнің тәжірибелеріммен бірге олармен алмасамыз. Өзімнің салам бойынша өзімді бұдан да көп жетілдіріп, өзімнің елімізге, Қазақстанға болсын, Орта Азияға қолымнан келгенше өзімнің мамандығым бойынша демеу жасап, мақсатым сол.