UFC Шавкат Рахмоновқа қатысты жағымсыз шешім қабылдады

UFC промоушені салмақ дәрежесіне тәуелсіз үздік файтерлердің жаңартылған рейтингін (P4P) жариялады, деп хабарлайды Vesti.kz.

Жартылай орта салмақтағы қазақстандық файтер Шавкат Рахмонов (19-0) UFC-дің P4P рейтингіндегі топ-15 тізімінен шығып қалды. Оның орнына рейтингке бразилиялық Чарльз Оливейра (36–11, 1 NC) қайта оралды.

Өткен демалыста Оливейра UFC Rio турнирінде Матеуш Гамротты (25–4, 1 NC) екінші раундта жеңген еді. 

Салмақ дәрежесіне қарамай үздік файтерлер рейтингінде жеңіл салмақтағы UFC чемпионы Илия Топурия (17–0) бірінші орында.

Екінші орында — жеңіл салмақтың бұрынғы чемпионы Ислам Махачев (27–1),
Үздік үштікті жеңіл салмақтағы чемпион Мераб Двалишвили (21–4) түйіндеп тұр.

Илия Топурия (Испания)
Ислам Махачев (Ресей)
Мераб Двалишвили (Грузия)
Хамзат Чимаев (БАӘ)
Александр Пантожа (Бразилия)
Александр Волкановски (Аустралия)
Магомед Анкалаев (Ресей)
Джек Делла Маддалена (Аустралия)
Том Аспиналл (АҚШ)
Алекс Перейра (Бразилия)
Дрикус Дю Плесси (ОАР)
Макс Холлоуэй (АҚШ)
Белал Мухаммад (АҚШ)
Арман Царукян (Армения)
Чарльз Оливейра (Бразилия)

Еске салайық, 2024 жылдың тамыз айында Шавкат Рахмонов UFC-дің P4P рейтингінде алғаш рет пайда болып, дәл осы Чарльз Оливейраны ығыстырған еді. Осылайша, ол UFC тарихында P4P тізіміне енген алғашқы қазақстандық болды.

Рахмонов кейінгі кездесуін 2024 жылдың желтоқсанында UFC 310 турнирінде өткізіп, ирландиялық Иэн Мачадо Гэрриді төрешілер шешімімен жеңген болатын

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport