Үкіметтік емес ұйым қызметі заңмен қорғалуы керек

Азаматтық қоғам берік орнығуы үшін үкіметтік емес ұйымдардың қызметі Заңмен қорғалуы керек.

Бұл Ұлттық Құрылтайда көтерілген маңызды мәселенің бірі. Бүгінде елде ресми тіркелген 22 мыңнан астам үкіметтік емес ұйым бар. Соның 18 мыңы белсенді жұмыс атқарады. Басым көпшілігі әлеуметтің осал топтарына жәрдемдесіп жүр. Сондай-ақ білім, жастар саясаты, экология сынды бағыттарда қоғамдық ұйымдардың үлесі зор. Олардың көмегімен қоғамдағы өзекті проблемаларды шешуге бағытталған 2 500-ден астам әлеуметтік жоба жүзеге асты. Мемлекет үкіметтік емес ұйымдардың қызметін қолдау мақсатында жыл сайын қазынадан 35 млрд теңге қаржы бөледі.

Елдегі үкіметтік емес ұйым саны 22 200

Белсенді жұмыс атқарады 18 000 

Жүзеге асты 2500 әлеуметтік жоба

Бөлінді 35 млрд теңге қаржы

Жансая Бердімұратқызы, "Сенімен болашақ" республикалық қоғамдық бірлестігінің төрағасы:

- "Сенімен болашақ" қоғамдық бірлестінің басты мақсаты: азаматтық жауапкершілік пен азаматтық сананы арттыру. Оны қалай аттырамыз? Саналы ата-ана мәдениеті арқылы. Өйткені отбасының ішінде саналы азамат қалыптасады. Саналы азамат – ол саналы қоғам. Біз өңірлерде жоба атқарамыз. Қазіргі таңда біз 13 жобаны атқардық. 

Бану Нұрғазиева, Қазақстан Азаматтық альянсының президенті:

- Негізі азаматтық қоғам институтттарын саяси партиялар, бұқаралық ақпарат құралдары, кәсіподақтар деп бөлеміз. Соның ішінді үкіметтік емес ұйымдардың ғана Заңы жоқ. Биыл Ұлттық Құрылтайда осы мәселені көтеріп, Мемлекет басшысы қолдап, қазір жұмыс тобы құрылып, үлкен жұмыс басталып жатыр.