Ұлыбритания Қазақстандағы мұнай жобаларына Ресей компанияларының ​қатысуына рұқсат берді

Сурет: freepik.com

Ұлыбритания Қаржы министрлігі Ресей компаниялары қатысатын бірқатар халықаралық мұнай-газ жобасын санкциялардан босататын Russian Oil Exempt Projects (INT/2025/5635700) жалпы лицензиясын шығарды, деп хабарлайды Atameken Business.

Құжатқа сәйкес, «Лукойл», «Газпром нефть» және «Роснефтьке» қатысты шектеулер үшінші елдердің энергетикалық қауіпсіздігі үшін маңызды бірлескен халықаралық жобаларға қолданылмайды. Оларға Теңіз, Қарашығанақ және Каспий құбыр консорциумы (КҚК) кіреді.

Қазақстан үшін бұл нені білдіреді:

Ресейлік қатысушылардың Теңіз, Қарашығанақ және КҚК жобаларындағы қызметі штаттық режимде жалғасады;Банктер, мердігерлер және серіктестер осы операцияларды Ұлыбританияның санкцияларын бұзбай жүргізе алады;Құжат Ұлыбритания Қаржы министрлігінің Санкциялар орындалуын бақылау басқармасы (OFSI) тарапынан қол қойылып, ресми үкіметтік ресурста жарияланды.

Еске салсақ, бұған дейін Ұлыбритания ірі ресейлік мұнай компанияларына, соның ішінде «Роснефть» пен «Лукойлға» санкция енгізген еді. Жаңа лицензия кейбір халықаралық жобаларды, әсіресе серіктес елдердің энергетикалық қауіпсіздігіне әсер ететін жобаларды санкциялардан шығарады.

Бүгін, 12:44