Ұмай ипотекасына қашан өтінім қабылданады

АСТАНА, 27 тамыз – Sputnik. "Отбасы банк" "Ұмай" ипотекалық бағдарламасы бойынша өтінім қабылдау 31 тамызда басталатынын мәлімдеді, деп хабарлайды Sputnik Қазақстан.

Бағдарламада бастапқы жарна мөлшері төмендетілген. Сонымен қатар басқа жылжымайтын мүліктің болуы өтінім беруге кедергі болмайды.

"Тұрғын үйді Қазақстанның кез келген қаласынан сатып алуға болады және тіркелген мекенжайға қойылатын талап жоқ", – деп хабарлады банк.

Бағдарлама шарттары:

пайыздық мөлшерлеме – 14,4% (жылдық тиімді сыйақы мөлшерлемесі 15,4%-дан 16,4%-ға дейін);

кредит сомасының 50%-ы жиналғаннан кейін мөлшерлеме 3,5–5%-ға дейін төмендейді (жылдық тиімді сыйақы мөлшерлемесі 3,6%-дан бастап);

бастапқы жарна – 15-20%;

кредит сомасы – 50 млн теңгеге дейін;

кредит мерзімі – 6 айдан 10 жылға дейін.

Баспана бастапқы немесе қайталама нарықтан сатып алуға болады. Сонымен қатар бағдарлама аясында тұрғын үйді жөндеуге кредит алуға мүмкіндік бар. Жөндеуге берілетін қарыздың ең жоғары сомасы 15 млн теңгеден аспайды.