Ұрпақты қорғау ұлт міндеті

ЛГБТ насихатына заңмен тыйым салған дұрыс! Алматылық қоғам белсендерілері мен заңгерлер Мәжіліс депутаттары бекіткен құжатқа қатысты осындай пікір білдірді. Петиция авторы Бағила Балтабаеваның айтуынша, кәмелеттік жасқа толмаған балаларды зиянды ақпараттық шабуылдан сақтау мемлекеттің міндеті. 

Маңызды құжат өскелең ұрпақтың қорғаны болады деген үмітте. Қазақстанның еңбек сіңірген қайраткері Марат Тоқашбаевтың айтуынша, балалар білім мен ғылымға ден қойып, ұлттық дәстүрді бойына сіңіріп өсуі керек. Айта кетейік, кеше Архив ісі және заңсыз контенттің таралуын шектеуге қатысты заң жобасы мақұлданып, Сенаттың қарауына жіберілді. Қоғам белсенділерінің пікірінше бұл түзетулер азаматтардың жеке өмірін шектемейді, тек кәмелетке толмағандарды отбасы мен неке құндылықтарына қайшы келетін ақпараттан қорғайды.

Бағила Балтабаева, қоғам белсендісі:

- Тоғыз заңға норма кіргізіп жатыр. Яғни ол жарнама заңы, денсаулық заңы және кино саласындағы, одан кейін балалардың құқығын қорғау заңы және тағы да басқа жалпы тоғыз заңға норма енгізілді. Ол жерде жауапкершілікке тартылу мерзімдері толық заңнаманы жария еткен кезде анық болады.

Марат Тоқашбаев, Қазақстанның еңбек сіңірген қайраткері:

- Ұл балалардың ер азамат болып, Отан қорғайтын, өзінің елін қорғайтын, шын мәнінде ер азамат болып қалыптасуына психологиялық тұрғыдан тосқауыл қояды. Ал қыздарымыздың шынайы ертеңгі күні ана болатын, жар болатын психологияларын бұзады.