Венесуэла АҚШ қа 50 миллион баррель мұнай береді

Венесуэла билігі АҚШ-қа 50 миллион баррельге дейін мұнай жеткізуді көздейді.

Бұл туралы Құрама Штаттар президенті Дональд Трамп өзінің Truth Social әлеуметтік желісінде хабарлады. Вашингтон аталған ресурсты нарықтық бағамен сатуды көздейді. Трамп түсіндіргендей, қаржы екі елдің игілігі үшін пайдаланылмақ. Сондай-ақ ол табыстың бөлінуіне өзі жеке бақылау жүргізеді. Ресми деректерге сәйкес, венесуэлалық мұнайды АҚШ порттарына жеткізу жақын уақыттарда басталуы мүмкін. Тасымалдау үдерісіне жауапты тұлға ретінде АҚШ энергетика министрі белгіленген. Венесуэла тарапы әзірге бұл мәлімдемеге қатысты ресми пікір білдірген жоқ. Бұған дейін Дональд Трамп елдің мұнай саласын бақылауға алуды әрі оны қалпына келтіруге американдық компанияларды тартуды ұсынған еді.