Заңгерлер балконда ескі құсқы заттарды сақтауға және ауладағы алдыңғы бақшаларды қоршауға болатын болмайтынына жауап берді

Балкондағы берекетсіздік заңбұзушылық болып саналмайды. Бірақ онда бензин, газ баллондары мен басқа да тез тұтанатын материалдарды сақтауға болмайды. Бұл туралы КТК телеарнасына заңгер Анна Юдина айтып берді, деп хабарлайды Тengri Нome.

Поделиться

Оның айтуынша, балкон қоқысқа толған жағдайда, алдымен көршіден заттарды жинауды өтіну керек. Егер бас тартса, МИБ-ке немесе басқарушы компанияға шағымдануға болады. Жағдай өзгермесе, ТЖД-ға жүгіну қажет. Мамандар тексеріс жүргізіп, заңбұзушылықтар анықталған жағдайда пәтер иесіне айыппұл салынуы мүмкін.

"ТЖМ хаттама мен тексеру актісін толтырады, соның негізінде ғана әкімшілік жауапкершілікке тартуы мүмкін. Айта кетерлігі, әкімшілік жауапкершілікке тартылған жағдайда, алғашқы ретте 5 АЕК көлемінде шағын айыппұл салынады, ал қайталанса, айыппұл 10 АЕК-ке дейін өседі", - деді заңгер.

Сонымен қатар Алматы қаласы Алмалы ауданы коммуналдық шаруашылық бөлімінің бас инспекторы Керімхан Әбдраман бірінші қабат тұрғындарының үй маңындағы бақшаларды қоршап, оны жеке ауласы ретінде пайдалануға құқығы бар-жоғы туралы сұраққа жауап берді.

Маман үй маңындағы аумақты абаттандыру мәселесін тұрғындардың жалпы жиналысына шығарып, хаттамамен ресімдеу керектігін түсіндірді. Мұндай бастамалар үшін басқа пәтер иелерінің келісімі қажет.

"Бұл мәселені осы үйдің пәтер иелерінің жалпы жиналысында көтеру керек. Егер шешім оң болса, олар хаттама толтыруы тиіс. Яғни, егер ағаш отырғызғысы келсе, сол ағашқа жауапты болуы керек. Сондай-ақ егер бақшаны қоршағысы келсе, басқа үйлер мен пәтерлердің тұрғындары қарсы болмауы үшін мұны да жалпы жиналыста талқылау қажет", - деді бас инспектор.

Телеарна ақпаратынша, бақшаларды басқа тұрғындардың келісімінсіз қоршауға және жерді жеке қажеттіліктер үшін иемденуге болмайды. Егер көршіңіз өз бетімен қоршау орнатса, жер ресурстарын басқару департаментіне жүгінуге болады. Мамандар қоршаудың заңдылығын тексереді. Заңбұзушылық анықталған жағдайда иесіне қоршауды алып тастауға уақыт беріледі. Олай болмаған жағдайда, ол мәжбүрлі түрде бұзылуы мүмкін.

Бізді Google-дың негізгі дереккөздер тізіміне қосыңыз

балкон заңгер кеңес