Жалған тіркеулер мен ойдан шығарылған қызметтер. МӘМС тегі жымқыру бойынша 14 қылмыстық істің жаңа мәліметтері

Қазақстанда міндетті әлеуметтік медициналық сақтандыру (МӘМС) қаражатын жымқыруға қатысты 14 қылмыстық іс тергеліп жатыр. Мемлекетке келтірілген жалпы шығын екі миллиард теңгені құрады. Бұл туралы ресми сауалға берген жауабында Қаржылық мониторинг агенттігі (ҚМА) хабарлады, деп жазады тілші TengriHealth.

Қазақстанда міндетті әлеуметтік медициналық сақтандыру (МӘМС) қаражатын жымқыруға қатысты 14 қылмыстық іс тергеліп жатыр. Мемлекетке келтірілген жалпы шығын екі миллиард теңгені құрады. Бұл туралы ресми сауалға берген жауабында Қаржылық мониторинг агенттігі (ҚМА) хабарлады, деп жазады тілші TengriHealth.

МӘМС жүйесінде қандай заңбұзушылықтар анықталды

2026 жылғы сәуірдің басында МӘМС саласындағы тергеу туралы Қаржылық мониторинг агенттігінің төрағасы Жанат Элиманов Президент Қасым-Жомарт Тоқаевпен кездесуінде мәлімдеген болатын. Ол кезде ҚМА басшысы бюджеттің жұмсалуындағы заңбұзушылықтар, қаржы пирамидаларына және қылмыстық жолмен алынған кірістерді заңдастыруға қарсы күрес туралы баяндап, міндетті әлеуметтік медициналық сақтандыруға қатысты тергеу амалдары жүргізіліп жатқанын айтқан еді.

ҚМА-ның біздің сауалымызға берген жауабында аталған қылмыстық істер МӘМС жүйесі аясында бөлінген бюджет қаражатын жымқыру деректері бойынша Сотқа дейінгі тергеп-тексерулердің біріңғай тізіліміне тіркелгенін нақтылады.

Агенттік мәліметінше, тергеу барысында бірнеше сызба анықталған. Олардың қатарында:

ақпараттық жүйеге ақылы медициналық көмек көрсетудің расталмаған жағдайларын енгізу; анестезия санын көбейту арқылы көрсетілген медициналық көмек көлемін негізсіз арттыру; іс жүзінде стоматологиялық емханаларға бармаған емделушілерді тіркеп қою; халыққа стоматологиялық қызметтерді жалған көрсету; науқастар қайтыс болғаннан кейін оларға медициналық қызмет көрсету үшін бөлінген МӘМС қаражатын жымқыру; консультациялық-диагностикалық қызметтерді жалған жүргізу. МӘМС қаражатын жымқыру бойынша тергеу қандай сатыда?

ҚМА хабарлауынша, бүгінгі таңда МӘМС қаражатын жымқыруға қатысты 14 қылмыстық істің ішінде алты адамға қатысты үш іс бойынша тергеу аяқталды. Материалдар сотқа жолданды.

Осы үш істің бірі бойынша сот айыптау үкімін шығарды, тағы екі қылмыстық іс қазір соттарда қаралып жатыр. Қалған 11 іс Агенттіктің экономикалық тергеу департаменттерінің өндірісінде.

Тергеу амалдары Астана қаласында, Ақмола, Алматы, Атырау, Шығыс Қазақстан, Жамбыл, Батыс Қазақстан, Қарағанды, Маңғыстау, Солтүстік Қазақстан, Түркістан облыстарында, сондай-ақ Жетісу және Абай облыстарында жүргізіліп жатыр.

Google News арқылы жаңалықтарымызды қадағалаңыз

Жазылу

МӘМС

жалған құжат

Жымқыру

қылмыс