Жамбыл облысында шекарадан 60 млн теңгенің темекісін заңсыз өткізбек болған

АЛМАТЫ, 27 ақпан – Sputnik. Жамбыл облысының Меркі ауданындағы Сыпатай өткізу пункті арқылы заңсыз темекі өткізбек болғандар ұсталды, деп хабарлайды Ұлттық қауіпсіздік комитеті.

Оқиға 19 ақпанда болған.

"Шекара қызметі ел аумағына 150 мың қорап акцизсіз темекі әкелу әрекетінің жолын кесті. Ұсталған тауардың құны – шамамен 60 млн теңге", - деп жазылған хабарламада.

Темекі бұйымдары автокөлік цистернасының көрінбейтін жеріне жасырылған. Жүк ілеспе құжаттарсыз жүрген. Қазіргі уақытта құзіретті органдар айналысып жатыр.