Жапондық стартап: Токиода алғаш рет ұшатын көлік сынақтан өтті

Сынақ Mitsubishi Estate және Kanematsu компанияларының қатысуымен өтті. Қашықтан басқарылатын ұшқышсыз ұшу аппараты Токио шығанағынан шамамен 150 метр биіктікте ұшып, шамамен үш жарым минут ауада болды.

Он екі роторы бар электрлік SD-05 моделі үш адамға арналған және зарядтаусыз 15-тен 40 шақырымға дейін жүре алады.

Әзірлеушілер ықшам өлшемі мен жеңіл салмағы құрылғыға дәстүрлі тікұшақтар мен кең қону алаңдарын қажет ететін басқа ұшақтар қол жетпейтін жерлерге қонуға мүмкіндік беретінін атап өтеді.

Компания сонымен қатар ұшуды басқару және жолаушыларға қызмет көрсету терминалын таныстырды. Онда тіркеу және қауіпсіздік скринингі, сондай-ақ face-ID технологиясын қолданатын автоматтандырылған тіркеу жүйесі бар.

Демонстрациялық рейстер мен терминал жұмысын көрсету сенбіге дейін жалғасады.

Көліктің бұл түрі жолдар мен қоғамдық көліктердегі кептелістерді азайтуға көмектеседі деп жоспарланған. Құрылғы бұған дейін Осакадағы дүниежүзілік көрмеде көрсетілген болатын.

Компанияның бас директоры Томохиро Фукузава 2030 жылдан кейін жол жүру құны таксидікінен шамамен екі есе немесе одан да төмен болуы мүмкін деп мәлімдеді. Ол таксиге қарағанда 4-5 есе жылдам жүретінін, уақытты үнемдеу бағадағы айырмашылықты ақтайтынын айтты.

Былтыр Қытайдың Чанчунь қаласындағы төртінші халықаралық авиация және аэроғарыш көрмесінің дайындық кезеңінде XPeng AeroHT компаниясының екі eVTOL ұшатын көлігі соқтығысып, апатқа ұшырады.