Жапония әскери қызметтегі әйелдер үлесін арттырмақ

Биылғы жылы белгіленген жаңа мақсатқа сәйкес, Жапонияның өзін-өзі қорғау күштеріндегі әйелдердің үлесі 2036 жылдың наурыз айына дейін қазіргі 9 пайыздан 13 пайызға жетуі тиіс.

- Әскери қызметшілер әйелдерге арналған мүмкіндіктер кеңейе берген сайын министрлік «инфрақұрылымды жақсартып, соның ішінде әрбір гарнизон мен базада әйелдерге арналған дәретхана, монша және арнайы орындар, сондай-ақ кемелерде әйелдерге арналған бөлмелер орнатып отыр, - делінген Қорғаныс министрлігінің мәлімдемесінде.

Жапонияда туу деңгейінің төмендігі, халық санының азаюы және еңбек нарығындағы жағдайдың шиеленісуі әскерге шақыруды қиындатып отыр, салдарынн әскери қызметтегі шамамен 250 мың бос орынның 10 пайызы толмай қалады.

Бұдан басқа, бұл бастама жыныстық зорлық-зомбылыққа қатысты үлкен жанжалдан кейін туындады. Әскерде қызмет ету кезінде жыныстық зорлық-зомбылыққа ұшыраған бұрынғы сарбаз Рина Гоной көпжылдық сот дауынан кейін биылғы жылдың қаңтар айында үкімет және бұрынғы әріптесімен келісімге келді.

Үкімет қорғаныс шығындарын арттырып, қарулы күштерге көбірек талантты маманды тартуға тырысып отыр.

- Жапонияның өзін-өзі қорғау күштеріндегі әйелдер санын көбейту біздің миссияларымызды, мысалы, табиғи апаттардан кейін көмек операциялары және қоғаммен тікелей өзара әрекеттесуді қамтитын басқа да іс-шараларды жүзеге асыру тәсілдерімізді кеңейтеді, - деп атап өтті Жапонияның Қорғаныс министрлігі.

Алайда, сарапшылардың айтуынша, жас жапондықтарды қауіпті жұмыс, төмен жалақы және зейнеткерлікке шығу жасының төмендігі (шамамен 56 жас) қорқытып отыр.

НАТО-ға мүше елдер мен олардың серіктестерінде орта есеппен әйел әскери қызметшілердің үлесі жоғары және Еуропарламенттің зерттеу қызметінің есебіне сәйкес, олар 2022 жылғы жағдай бойынша әскери қызметшілердің жалпы санының 12 пайызынан астамын құрады.

АҚШ Қорғаныс министрлігінің мәліметінше, 2023 жылғы жағдай бойынша әйелдер әскерге жаңадан шақырылғандардың шамамен 18 пайызын құрады.

Осыған дейін Жапония әйелдердің өмір сүру ұзақтығы бойынша тағы рекорд орнатқанын жаздық.