Жас әншіні есінен танғанша ұрған Мұқасан Шахзадаев полициядан қашып жүр заңгер

Жас әнші Ғалымжан Сүлеймен “Нұр-Мұқасан” тобының экс-әншісі Мұқасан Шахзадаев өзін аяусыз соққыға жыққанын айтқан еді, – деп жазды Aikyn.kz.  

Белгілі болғандай, жанжал әнге қатысты туындаған. Жәбірленушінің заңгері Инга Иманбай жас әншінің жағдайы ауыр екенін жеткізді. Ал Мұқасан Шахзадаев жауапкершіліктен қашып жүргенін айтты.

«Ғалымжан есінен танығанша ұрылған! Оны алда операция күтіп тұр. Мұқасан Шахзадаев тарапынан аяусыз соққыға жығылған қорғауымдағы азамат – танымал әнші әрі актер Ғалымжан мырзамен кездестім. Оның қазіргі жағдайы өте ауыр. Дәрігерлер қолының сынғанын, мұрнының сынғанын, бетінің қатты ісіп-көгергенін растады. Алдағы күндері мұрнына жарақаттан кейінгі күрделі ота жасалмақ», - дейді ол.

Заңгер бұл тек денсаулыққа келген зиян емес, адамның өміріне, еңбегіне, шығармашылығына жасалған қастандық екенін атап өтті.

«Ғалымжан мырза дәл қазір түсіріп жатқан фильмінің жұмысы тоқтап тұр. Оның кесірін 40 адамнан тұратын бүтін бір кино тобы тартып отыр. Себебі бет-әлпеті қатты жарақаттанған адам камера алдына шығуға жарамайды. Бұл – нағыз масқара жағдай. Ең сорақысы – мәдениет саласының өкілдері өз әріптесін жабылып ұрып, есінен тандырып жібергені. Бұл – өнер адамына ғана емес, жалпы қоғамға жасалған жабайылық, адамшылықтан безген әрекет. Ал полиция болса, әлі күнге дейін «Мұқасан Шахзадаев қашып жүр, табылмай жатыр» деп мәлімдеп жатыр. Сіздер бұған шынымен сенесіздер ме?.. Біз – мен, заңгер Инга Иманбай, Жан Ахмадиев және біздің команда – бұл істі соңына дейін жеткіземіз. Атаққа да, беделге де, таныс-тамырға да қарамай, әділ жаза қолданылуы үшін бар күшімізді саламыз. Ғалымжан мырзаның құқығы тапталмауы керек. Бұл іс міндетті түрде әділ шешімін табады», - дейді ол.

Сараптама, зерттеу мақала, күнделікті өзекті ақпаратты «Айқынның»  TELEGRAM   арнасынан табасыз.