Жасөспірім мектепте балта ұстап жүрген видео тарады: зардап шеккендер бар

Әлеуметтік желіде оқушы мектепте балта ұстап жүгіріп жүргені көрінетін видео тарады, - деп хабарлайды Tengrinews.kz тілшісі.

Әлеуметтік желіде оқушы мектепте балта ұстап жүгіріп жүргені көрінетін видео тарады, - деп хабарлайды Tengrinews.kz тілшісі.

Өңірдің Полиция департаменті өкілі мән-жайды айтты. 5 ақпанда 102 арнасына Құлсары қаласында 10-сынып оқушысы қатарластарымен жанжалдан кейін оларға шабуыл жасап, мектеп аумағынан бой тасалағаны туралы хабарлама түскен.

"Оқиға салдарынан екі оқушы жеңіл дене жарақатын алған. Хабарлама түскен бойда оқиға орнына полиция қызметкерлері жедел жетіп, жасөспірім ұсталды. Оқиғаға қатысушылар мен олардың ата-аналары полиция бөліміне жеткізілді", - деп жазылған хабарламада.

Бұл дерекке қатысты бұзақылық бойынша қылмыстық іс қозғалды. 15 жастағы күдікті уақытша ұстау изоляторына қамалып, Ішкі істер органдарының есебіне алынды.

"Жинақталған материалдар шешім қабылдау үшін Кәмелетке толмағандардың істері жөніндегі комиссияға жолданды. Сондай-ақ, жасөспірімнің ата-анасына қатысты кәмелетке толмаған баланы тәрбиелеу жөніндегі міндетін тиісінше орындамағаны үшін әкімшілік іс қозғалды", - деді полиция.

Қылмыстық іс аясында қылмысқа ықпал еткен себептер мен жағдайларды жою туралы білім беру бөліміне ұсыныс енгізілген.

"Тергеу қорытындысы бойынша білім беру ұйымының лауазымды тұлғаларының, сондай-ақ, оқу орнын күзететін күзет агенттігі қызметкерлерінің әрекетіне құқықтық баға беріледі", - деп түсіндірді полиция.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Следите за нашими новостями в Google News