Жеке тұлғалар банкроттығы: Банктер 56 мың адамның берешегін кешірді

Президент Қасым-Жомарт Тоқаев Қаржы нарығын реттеу және дамыту агенттігінің төрағасы Мәдина Әбілқасымованы қабылдады, деп жазады Egemen.kz.

Фото: depositphotos.com

Мемлекет басшысына қаржы нарығын дамытудың 2025 жылғы нәтижелері мен алдағы кезеңге арналған міндеттер туралы баяндалды. 

Мәдина Әбілқасымова былтыр банк секторының орнықтылығы қамтамасыз етілгенін, жыл сайынғы қадағалау-бағалау циклі аяқталғанын жеткізді. Банктердің активтері 11 пайызға өсіп, 68,3 триллион теңгеге дейін ұлғайды. Капиталдың жеткіліктілігі 20,7 пайызды құрады.

Мемлекет басшысына банктер туралы жаңа заң, сондай-ақ инвестициялық қорлар және рейтингтік қызмет туралы заң жобалары әзірленгені жөнінде айтылды.

Бизнеске берілген кредиттер 2025 жылдың қарашасындағы жағдай бойынша 17,9 пайызға артып, 14,8 триллион теңгеге жеткен. Кәсіпкерлер 17,5 триллион теңгеге жаңадан несие ресімдеді. Банктер жалпы сомасы 2,3 триллион теңге болатын 8 синдикатталған жобаны бірлесіп қаржыландырды. Шағын және орта бизнесті кредиттеу ісін қолдау үшін 2025 жылдың маусым айында «Даму» қорының жанынан Кепілдік қоры құрылды. Бүгінге дейін 505 миллиард теңге көлемінде несие кепілдіктері берілді.

Қасым-Жомарт Тоқаевқа тұтынушылық кредиттер беру 2024 жылмен салыстырғанда екі есе төмендегені жөнінде ақпарат берілді. Тұтынушылық несиені шектеу үшін төлем мерзімі кешіктірілген жағдайда 5 жылдан астам уақыт ішінде қарыз беруге тыйым салынды. Сондай-ақ үш жылдан бес жылға дейінгі мерзімге және тәуекелі жоғары қарыздарды беруге шектеу қойылды. Қарыз алушының кірісіне қарай борыш көлемінің жаңа коэффициенті бекітілді.

Халықтың шамадан тыс кредит алуын азайту мақсатында банктер мен микроқаржы ұйымдары 703 мың азаматтың қарызын реттеп, ішінара кешірді. Жеке тұлғалардың банкроттығы туралы заң қолданысқа енгелі бері банктер 56 мың адамның 209,7 миллиард теңге берешегіне кешірім жасады. Ипотекалық тұрғын үй займдарын қайта қаржыландыру бағдарламасы аясында 1,2 мың қарыз алушыға қолдау көрсетілді.

Заң қабылданғанмен, банкроттыққа тапсыру неге қиындап кетті?

Қаржылық алаяқтыққа қарсы күрес шеңберінде кредит беру кезінде «шешім қабылдау кезеңі» заңнамаға енгізілді. Алғашқы қарызды ресімдеуге азаматтың өзі келуге тиіс. Бұдан бөлек, алаяқтық жағдайында кредитті сот шешімімен және соттан тыс тәртіппен есептен шығарудың негіздемелері кеңейтілді.

Агенттік өзінің қадағалау қызметі аясында банктерге 2025 жылы 49 рет инспекторлық және құжаттамалық тексеріс жүргізген. Сақтандыру нарығына қатысушыларды – 47, бағалы қағаздар нарығын – 54, ал микроқаржыландыру субъектілері мен коллекторлық агенттіктерді 260 мәрте тексерген. Нәтижесінде 628 қадағалау шарасы қолданылып, жалпы сомасы 641,3 миллион теңге айыппұл салынды. Микроқаржыландыру және коллекторлық агенттіктер нарығындағы 58 субъект лицензиясынан айырылды. Оның ішінде 23-і мәжбүрлі түрде тоқтатылды, ал 9 субъектінің лицензиясы алынды.

Кездесу соңында Мемлекет басшысы қаржы тұрақтылығын қамтамасыз ету, экономиканың нақты секторын несиелеуді ұлғайту және қаржы қызметтерін тұтынушылардың құқықтарын қорғауды күшейту жөнінде бірқатар нақты тапсырма берді.

Еске салайық, бүгін Мемлекет басшысы FIS президенті Йохан Элиашты «Достық» орденімен марапаттады.

Сондай-ақ Президент Қазақстандағы орыс, славян және казак ұйымдары қауымдастығының төрағасы, Парламент Мәжілісінің депутаты Сергей Пономаревті қабылдады.

Соңғы жаңалықтар

Демалыс күндері азық-түлікті қайдан арзан алуға болады?

Оқиға • Бүгін, 16:25

Астана әуежайында елге қауіпті өнімді кіргізбек болған

Оқиға • Бүгін, 16:04

Туристік күнтізбе: Биыл Маңғыстауда қандай іс-шаралар өтеді?

Қоғам • Бүгін, 15:51

Президентке Қазақстан халқы Ассамблеясын дамытудың жаңа жоспары таныстырылды

Президент • Бүгін, 15:45

Ақмола облысында ғылымды дамытуға бөлінген қаржы талан-таражға түскен

Заң • Бүгін, 15:22

«Әдемі» нөмірлерге талас: Ел азаматтары бір аптада 200 мыңнан астам өтінім берді

Оқиға • Бүгін, 15:15

11 жастағы астаналық оқушы 4 тілде 853 кітап оқыған

Білім • Бүгін, 15:02

Астанада қарулы ер адам «Сұңқар» арнайы жасағының қызметкеріне оқ атты

Оқиға • Бүгін, 15:00

Алатау қаласында құрылыс жұмыстары басталды ма?

Экономика • Бүгін, 14:48

Ертіс ауылында жеке тұрғын үй түгі қалмай өртеніп кетті: 2 бала қайтыс болды

Оқиға • Бүгін, 14:22

Сыртқы істер министрлігі Қара теңізде болған оқиғаға қатысты мәлімдеме жасады

Қоғам • Бүгін, 14:13

Жезқазғанда Мәдениет үйінің жөндеу жұмыстарына 300 млн теңге бөлінді

Аймақтар • Бүгін, 14:00

Түркі әлемі: Аналардың тілегі бір

Мәдениет • Бүгін, 13:03

Діни басқарма жанынан Ислам қаржысы секторы ашылады

Қоғам • Бүгін, 12:53

Қарағандыда жүргізуші көлігінен ақбөкеннің өлексесі табылды

Аймақтар • Бүгін, 12:46

Барлық жаңалықтар