Желтоқсан айында тұрғын үй бағасы қымбаттайды сарапшы

2025 жылы Қазақстанның жылжымайтын мүлік нарығы барлық сегментте өсуін жалғастырып келеді, – деп хабарлайды Aikyn.kz сайты нарық жаңалықтарына сілтеме жасап.

Он айда бастапқы тұрғын үй бағасы 12,5%, қайталама нарықта 10,2% өсті.

Halyk Finance болжамы бойынша, жыл соңына дейін нарық қазіргі қалыпты өсім аймағында қала береді. Желтоқсан айында сұраныс артып, баға тағы көтеріледі. Бұған маусымдық белсенділік пен сатып алушылардың салықтық өзгерістер күшіне енгенге дейін пәтер бағасын бекітіп қалуға ұмтылысы себеп болады.

Ипотекалық несиелеу шарттарының қатаюы нарықтағы белсенділікті ішінара тежегенімен, жалпы баға өсімі сақталады.

Halyk Finance болжамынша, 2026 жылы ҚҚС мөлшерлемесінің көтерілуі мен ипотека шарттарының қатаюы тұрғын үйдің шаршы метрінің одан әрі қымбаттауына әсер етеді.

Желтоқсанда пәтерге сұраныс өсіп, баға тағы көтеріледі. Ең белсенді сегмент — бастапқы тұрғын үйлер.