Жол инспекторлары Беларусьтегі халықаралық байқауда 1 орын алды

Қазақстанның жас жол инспекторлары командасы Беларусь Республикасының Брест қаласында өткен 53-республикалық слет-байқауда бірінші орын алды, – деп хабарлайды Aikyn.kz Iшкi iстер министрлiгiне сілтеме жасап.

Бірнеше күн бойы қатысушылар жол қозғалысы ережелерін білу, алғашқы медициналық көмек көрсету, велосипедті мәнерлеп жүргізу, қозғалысты реттеу дағдылары бойынша сынға түсті. Сонымен қатар олар жол қауіпсіздігіне арналған шығармашылық жобалар мен оқыту бағдарламаларын таныстырды. Ең тартысты кезеңдердің бірі ересек қатысушылар арасындағы электрлі самокаттардағы мобильді эстафета болды.

Байқау кезеңдерінің қорытындысы бойынша Қазақстан командасы жоғары дайындық, кәсіби тәжірибелік дағдыларын және ұйымшылдық көрсетіп, жүлделі бірінші орынды жеңіп алды.

Байқау бағдарламасынан бөлек қатысушылар үшін Беларусьтің тарихи және мәдени көрікті жерлеріне экскурсиялар ұйымдастырылды.

Сараптама, зерттеу мақала, күнделікті өзекті ақпаратты «Айқынның»   TELEGRAM арнасынан табасыз.