Зинедин Зидан Франция құрамасын баптауы мүмкін

Фото: Associated Press

Дереккөздердің мәліметінше, 54 жастағы маман «Ле Блэ» сапындағы Дидье Дешамның орнын басады. Зиданның ұлттық құрамадағы келісімшарты 2030 жылғы әлем чемпионатына дейін есептеледі. Тағы бір танымал инсайдер Фабрицио Романо да Франция құрамасының жаңа бас бапкері дәл Зидан болатынын атап өтті.

Ол 2026 жылғы әлем чемпионатындағы үшінші орын үшін өтетін матч Дешам үшін Франция ұлттық құрамасының бас бапкері ретіндегі соңғы кездесу болатынын растады.

Роналду футболдан әлем чемпионатына қатыспайтынын растады

Дидье Дешам Франция құрамасын 2012 жылдың шілдесінен бері басқарып келеді. Оның жетекшілігімен «үш түсті» команда Еуро-2016 турнирінің финалына жетіп, 2018 жылғы әлем чемпионатын жеңіп алды, 2022 жылғы әлем чемпионатында күміс жүлдегер атанды және 2021 жылы Ұлттар лигасында жеңіске жетті.

Айта кетейік, Зинедин Зидан 2021 жылдан бері жұмыссыз жүр. Сол жылы ол мадридтік «Реал» клубының бас бапкері қызметінен кеткен болатын.

ӘЧ-2026: FIFA алғаш рет қызыл қағаз алған футболшыны жазадан босатты

Зидан «Реалмен» екі кезеңде (2016-2018 және 2019-2021 жылдары) жұмыс істеп, 11 жүлде жеңіп алды. Оның ішінде Чемпиондар лигасында қатарынан үш рет – 2016, 2017 және 2018 жылдары жеңіске жетті.