2025 жылы Қазақстанда 4,5 мыңға жуық есірткі қылмысы тіркелген

Былтыр елде есірткі қылмысына қатысты 4 мыңға жуық дерек тіркелген.

Нәтижесінде 49 тоннадан астам түрлі есірткі заты тәркіленді. Оның 1,5 тоннасы – синтетикалық өнім. Елде есірткі бизнесін ұйымдастырушыларға қатысты да жаза қатаңдатылды. Өткен жылы Мемлекет басшысы тиісті заңға қол қойды. Заңға сәйкес, есірткі бизнесін ұйымдастырғандар 15 жылдан өмір бойына бас бостандығынан айыруға дейін жауапкершілікке тартылады. Мұндай қатаң шаралар есірткі бизнесінің қоғамға тигізетін зиянын азайтуға бағытталған. Бүгін осы бағытта брифинг өтті. Онда алдағы үш жылға арналған нашақорлық пен есірткі бизнесіне қарсы күрес жөніндегі кешенді жоспардың бекітілгені айтылды. Құжат 7 бөлімнен және 100-ден астам іс-шарадан тұрады. Жоспарда есірткіге тәуелді адамдарды емдеу мен оңалту жүйесін жетілдіру, іздестіру жұмыстарына жасанды интеллект енгізу, сондай-ақ пилотсыз ұшу аппараттарын пайдалану көзделген. Ішкі істер министрлігі өкілдерінің айтуынша, кешенді жоспарды іске асыру нәтижесінде есірткі қылмысы азайып, қоғамдағы нашақорлық деңгейі төмендейді.

Бақытжан Әмірханов, ҚР ІІМ Есірткі қылмысына қарсы іс-қимыл комитетінің басқарма бастығы полиция полковнигі:

- Самолеттік типтік есірткілер олар көбінесе жазғы-күзгі уақытта қарасора арнайы операциясы өтеді, елімізде бес ай бойында. Сол кезде ескірткінің өзіміздің елімізде өсетін Шу алқабында болмаса Қызылорда өңірінде өсіретін Голландия және басқа сорттарын өсіреді қарасора өсімдігін. Соны анықтау үшін Ұлттық ұлан қызметкерлері бізге көмектеседі. Одан кейін екінші дронның түрі вертолеттік типтер, оларды жаңадан қолданайық деп отырмыз, леферафорд деген арнайы газ анализаторлары бар ауадан 9 химиялық заттардың құрамын анықтап, бізге бірден есірткі зертханасы бар ма, жоқ па, соны анықтауға өз мүмкіндігін береді.