2026 жылы қысқа мерзімді сапарлар үшін ең арзан және ең қымбат қалалар аталды

Британдық Post Office Travel Money компаниясы City Costs Barometer 2026 жаңа есебін - қысқа мерзімді сапарларға арналған Еуропа қалаларының бюджеттік рейтингін жариялады. Зерттеу барысында 50 бағыт бойынша туристердің шығындары салыстырылып, 12 негізгі санат ескерілді: тұру, тамақтану, көлік, ойын-сауық және көрікті жерлерді аралау, деп хабарлайды Tengri Travel.

Британдық Post Office Travel Money компаниясы City Costs Barometer 2026 жаңа есебін - қысқа мерзімді сапарларға арналған Еуропа қалаларының бюджеттік рейтингін жариялады. Зерттеу барысында 50 бағыт бойынша туристердің шығындары салыстырылып, 12 негізгі санат ескерілді: тұру, тамақтану, көлік, ойын-сауық және көрікті жерлерді аралау, деп хабарлайды Tengri Travel.

Зерттеу авторларының айтуынша, рейтингтің негізгі мақсаты - тек ұшу құнын ғана емес, сонымен қатар баратын жердегі нақты шығындарды көрсету. Материалда сапардың қорытынды бюджетіне авиабилет бағасымен қатар, қаланың өзіндегі күнделікті шығындар - баспана, ас-су, көлік пен көңіл көтеру шараларының құны да айтарлықтай әсер ететіні ерекше атап өтілген. Қысқа мерзімді саяхат кезінде дәл осы шығындар бюджеттің басым бөлігін құрайды.

Сапар құны қалай есептелді?

Зерттеу аясында мамандар екі адамға арналған 12 күнделікті туристік шығынның құнын салыстырды. Талдауға Еуропа қалаларына жасалатын қысқа сапарларға тән әдеттегі шығындар енгізілді.

"2026 жылғы басылымда біз Еуропаның 50 қаласындағы екі адамға арналған 12 күнделікті туристік шығынды салыстырдық. Бұл - зерттеу тарихындағы ең ауқымды салыстыру", - делінген есепте.

Негізгі қорытынды - сапардың жалпы бюджетіне көбіне қонақүй құны, сондай-ақ тамақ, көлік және ойын-сауыққа жұмсалатын күнделікті шығындар барынша әсер етеді.

Қысқа сапарларға арналған Еуропаның ең арзан қалалары

2026 жылғы рейтингтің көшбасшысы - Сараево (Босния және Герцеговина). Сарапшылар бұл қаланың қолжетімді баспана, арзан көлік және тиімді ойын-сауық бағаларының арқасында алға шыққанын айтады.

Ең тиімді 10 бағыт:

Сараево (Босния және Герцеговина) - 248 фунт стерлинг (шамамен 160 мың теңге); Бухарест (Румыния) - 258 фунт стерлинг (шамамен 166 мың теңге); Тирана (Албания) - 263 фунт стерлинг (шамамен 169 мың теңге); Белград (Сербия) - 265 фунт стерлинг (шамамен 170 мың теңге); Тренчин (Словакия) - 272 фунт стерлинг (шамамен 175 мың теңге); Рига (Латвия) - 278 фунт стерлинг (шамамен 180 мың теңге); Лилль (Франция) - 289 фунт стерлинг (шамамен 186 мың теңге); Вильнюс (Литва) - 289 фунт стерлинг (шамамен 186 мың теңге); Страсбург (Франция) - 319 фунт стерлинг (шамамен 205 мың теңге); Подгорица (Черногория) - 332 фунт стерлинг (шамамен 215 мың теңге).

Шығыс Еуропа рейтингтің жоғарғы сатыларын тағы да сенімді түрде иеленді - ең арзан он қаланың сегізі дәл осы аймақта орналасқан.

Зерттеу авторларының айтуынша, қолжетімді бағыттарды бірнеше фактор біріктіреді: арзан баспана, бюджеттік тамақтану және тиімді қоғамдық көлік.

Сараево өзінің мәдени атмосферасымен және төмен бағаларымен ерекшеленсе, Бухарест - шығыны аз қызу қала өмірімен, ал Тирана - баспанаға арналған өте тиімді бағаларымен танымал.

Еуропаның ең қымбат қалалары

Рейтингтің екінші жағында қысқа мерзімді сапар құны айтарлықтай жоғары болып табылатын танымал еуропалық бағыттар орналасты.

Ең қымбат 10 қала:

Осло (Норвегия) - 734 фунт стерлинг (шамамен 473 мың теңге); Копенгаген (Дания) - 671 фунт стерлинг (шамамен 433 мың теңге); Эдинбург (Шотландия) - 668 фунт стерлинг (шамамен 430 мың теңге); Женева (Швейцария) - 644 фунт стерлинг (шамамен 415 мың теңге); Барселона (Испания) - 641 фунт стерлинг (шамамен 413 мың теңге); Дублин (Ирландия) - 611 фунт стерлинг (шамамен 394 мың теңге); Амстердам (Нидерланды) - 609 фунт стерлинг (шамамен 392 мың теңге); Корк (Ирландия) - 602 фунт стерлинг (шамамен 388 мың теңге); Венеция (Италия) - 580 фунт стерлинг (шамамен 374 мың теңге); Мадрид (Испания) - 580 фунт стерлинг (шамамен 374 мың теңге).

Есепте көрсетілгендей, бұл қалалардағы жоғары шығындар негізінен қымбат баспана мен дәмханалар мен мейрамханалардағы баға деңгейіне байланысты.

Зерттеу авторлары рейтингтегі орын сапар бюджетін әрдайым толық анықтай бермейтінін, көп нәрсе саяхатшының өз шығындарын қалай жоспарлайтынына байланысты екенін алға тартады.

Есепке сәйкес, тұру құны жиі жағдайда қорытынды сомаға әсер ететін басты факторға айналады. Тіпті қонақүй бағасының шамалы өзгеруі де жалпы бюджетті айтарлықтай арттыруы мүмкін.

Күнделікті шығындардың да маңызы зор. Арзандау қалаларда туристер ойланбастан шығын шығаруға көбірек мүмкіндік алса, қымбат бағыттарда шығындарды неғұрлым дәл жоспарлау талап етіледі.

Тағы оқыңыз: 2026 жылы көшіп баруға ең қолайлы елдер рейтингі жарияланды

Google News арқылы жаңалықтарымызды қадағалаңыз

Жазылу