Саяхатқа арналған әлемдегі ең жарқын қалалар аталды

JustCover саяхатшыларға арналған сервисі әлемдегі ең жарық қалалар рейтингін ұсынды. Зерттеу барысында ондаған танымал бағыт сараланып, қарапайым сұраққа жауап ізделді, - деп жазады Tengri Travel.

JustCover саяхатшыларға арналған сервисі әлемдегі ең жарық қалалар рейтингін ұсынды. Зерттеу барысында ондаған танымал бағыт сараланып, қарапайым сұраққа жауап ізделді, - деп жазады Tengri Travel.

Қалалардағы "түстер" қалай есептелді?

Сарапшылар 78 танымал туристік нысанды зерттеді.

Тәжірибе айқын болуы үшін мамандар ашық күндізгі жарықта түсірілген суреттерді ғана пайдаланған. Әр қала бойынша үш кадр алынды: жоғарыдан түсірілген бір панорамалық көрініс және көше деңгейіндегі белгілі көрікті жерлер бейнеленген екі сурет.

Сандық талдау құралы әр пиксельдің RGB мәндерін оқып, визуалды әсерді сандарға айналдыруға мүмкіндік берді. Бұл мәліметтер ортақ "жарық индексіне" біріктірілді.

Ең жарқын 10 қала

Бірінші орынды 100-ден 100 ұпай жинаған Лиссабон иеленді. Португалия астанасында 2,6 миллионнан аса бірегей түс анықталды. Зерттеушілердің айтуынша, мұндай палитра үйлердің қасбеттерінен, әйгілі азулежу өрнекті плиткаларынан және қаланың бойтұмарына айналған ашық сары түсті трамвайлардан құралады.

Екінші орынға Куала-Лумпур (Малайзия) жайғасты. Оның өлшемі (94,5 ұпай) - заманауи айналы зәулім ғимараттар мен дәстүрлі ғибадатханалардың үйлесімі. Палитрада Бату үңгірлерінің әйгілі "кемпірқосақ" баспалдақтары ерекше орын алады.

Үздік үштікті тағы бір португал қаласы - Порту (91,6 ұпай) түйіндеді. Мұндағы негізгі түс көзі Доуру өзенінің бойындағы түрлі-түсті үйлері мен терракоталық шатырлары бар Рибейра ауданы болды.

Ең түрлі-түсті 10 қаланың тізімі келесідей:

Лиссабон; Куала-Лумпур; Порту; Картахена; Рио-де-Жанейро; Гуанахуато; Гавана; Ханой; Жаңа Орлеан; Медельин.

Тізімге басқа да маңызды орындар енді. Мысалы, Мароккодағы әйгілі "көк қала" Шефшауэн 27-орынды иеленді. Ол өзінің бірегейлігіне қарамастан, реңктердің алуан түрлілігі бойынша Нью-Йорк (15-орын) немесе Барселона (14-орын) сияқты эклектикалық мегаполистерге жол берді.

Google News арқылы жаңалықтарымызды қадағалаңыз

Жазылу