Абу Дабидегі елшілік БАӘ де тұратын қазақстандықтарға үндеу жасады

АСТАНА, 1 наурыз – Sputnik. Абу-Дабидегі елшілік БАӘ-де тұратын қазақстандықтардан елге келген немесе транзит арқылы өтіп жатқан Қазақстан азаматтарына көмек көрсетуді сұрады.

"Осы баршаға қиын кезеңде сіздердің қолдауларыңыз бен белсенді азаматтық ұстанымдарыңыз ерекше маңызды. Қазіргі уақытта БАӘ аумағында қысқа мерзімге келген немесе транзит арқылы өтіп жатқан Қазақстан азаматтары бар. Қалыптасқан жағдайда олардың бірқатарына уақытша көмек пен қолдау қажет болуы мүмкін. Егер сіздерде уақытша орналастыруға, тамақпен қамтамасыз етуге немесе өзге де нақты көмек көрсетуге мүмкіндік болса, төменде көрсетілген байланыс нөмірлеріне хабарлауларыңызды сұраймыз", - делінген үндеуде.

Сондай-ақ елшілік егер қиын жағдайда қалған Қазақстан азаматтары туралы мәлімет болса, дипломатиялық өкілдіктерге хабарлауды сұрады.

Қазақстан Республикасының Абу-Дабидегі Елшілігі:
+971 50 508 5226
+971 2 449 8778

Қазақстан Республикасының Дубай қаласындағы Бас консулдығы:
+971 50 570 1978
+971 4 547 5784
[email protected]