Айыпты болған қазақстандықтарға бақыт SMS тері жолданады

Рақымшылық бойынша әкімшілік айыппұлдары жойылатын қазақстандықтарға бұл туралы SMS арқылы хабарланады. Бұл туралы Мәжілістегі заң жобасын талқылау кезінде ішкі істер министрінің орынбасары Санжар Әділов мәлімдеді, деп хабарлайды Tengrinews.kz.

Рақымшылық бойынша әкімшілік айыппұлдары жойылатын қазақстандықтарға бұл туралы SMS арқылы хабарланады. Бұл туралы Мәжілістегі заң жобасын талқылау кезінде ішкі істер министрінің орынбасары Санжар Әділов мәлімдеді, деп хабарлайды Tengrinews.kz.

Мәжілісте "Қазақстан Республикасының жаңа Конституциясын қабылдауға байланысты рақымшылық жасау туралы" заң жобасы және оған ілеспе түзетулер қаралып жатыр.

Депутат Олжас Нұралдинов азаматтарды әкімшілік жауапкершілікке Бас прокуратура, соттар, Әділет министрлігі, ІІМ, қаржылық бақылау органдары және басқа да түрлі мемлекеттік органдар тартатынын еске салды.

"Жыл сайын миллиондаған айыппұл салынады. Осыған байланысты сұрақ: заң қабылданғаннан кейін әкімшілік айыппұлдарды есептен шығару процедурасы қандай болмақ?" - деп сұрады депутат.

Ол азаматтардың айыппұл салған мемлекеттік органдарға өздері жүгінуі қажет пе, әлде айыппұлдар автоматты түрде жойыла ма, соны нақтылады. Сондай-ақ Нұралдинов қазақстандықтарға айыппұлдардың жойылғаны туралы хабарлама беріле ме деп сұрады.

Ішкі істер министрінің орынбасары Санжар Әділов әкімшілік рақымшылық алғаш рет қолданылатынын айтты.

"Шынында да, әкімшілік рақымшылық тек Қазақстанда ғана емес, жалпы ТМД кеңістігінде алғаш рет қолданылғалы отыр", - деді ол.

Әділовтің айтуынша, айыппұлдарды есептен шығару үшін Әкімшілік құқық бұзушылықтардың бірыңғай тізілімі арқылы автоматтандырылған тәртіпті пайдалану жоспарланған.

Алдымен Құқықтық статистика комитеті тізілімде қажетті мәліметтерді қалыптастырады. Содан кейін төленбеген айыппұлды есептен шығару туралы қаулы жобасы дайындалады. Ол мұндай шешім қабылдауға құқығы бар уәкілетті лауазымды тұлғаға жіберіледі.

"Лауазымды тұлға құжатқа электрондық цифрлық қолтаңбамен қол қойғаннан кейін, қаулы электронды түрде сот орындаушыларына да жолданады", - деп түсіндірді министрдің орынбасары.

Бұдан кейін айыппұл атқарушылық іс жүргізу арқылы автоматты түрде есептен шығарылады.

Әділов азаматтардың айыппұлдар туралы хабарламаларды SMS арқылы алып келгенін айтты. Дәл осы тәсілмен қазақстандықтарға айыппұлдардың жойылғаны туралы да хабарланады.

"Айыппұлдарды есептен шығару туралы мәліметтерді SMS-хабарлама арқылы алады", - деді ол.

Бұған дейін депутаттардың жаңа Конституцияға байланысты рақымшылық жасау бойынша жұмысқа кіріскенін жазған болатынбыз. Ол кезде қазақстандықтардың миллиардтаған әкімшілік айыппұлдары, соның ішінде өсімпұлдары кешірілуі мүмкін екені хабарланған еді.

Айыппұлдар, мысалы, қауіпсіздік белдігін тақпағаны немесе рөлде отырып телефонмен сөйлескені үшін есептен шығарылатыны нақтыланды. Бұл ретте әкімшілік рақымшылық алғаш рет өткізіліп отыр.

Президент Қасым-Жомарт Тоқаев жаңа Конституцияны іске асыру туралы жарлыққа қол қойды. Құжат 2026 жылғы 15 наурыздағы референдумнан кейін қабылданды.

Кейінірек Тоқаев жаңа Конституцияның ресми түрде 1 шілдеде күшіне енетінін мәлімдеді.