Алатау қаласының жол картасы бекітілді

Алатау қаласының Бас жоспарына түзету енгізілді. Инженерлік желілердің схемасы, инфрақұрылымдық дамудың Жол картасы бекітілді. 

Премьер-министр Олжас Бектенов Алатаудың инвестициялық және  нфрақұрылымдық жобаларымен танысты.  Жол картасының  бірінші кезеңі 365 млрд теңгеге  21 жобаны жүзеге асыруды көздейді. Биыл және келер жылы қосалқы стансаларды, су жинау торабын және газ құбырларын салу жоспарланған. Сонымен қатар қолданыстағы инженерлік инфрақұрылымды реконструкциялау көзделген. Жол картасының екінші кезеңі 2028-2030 жылдар аралығында 312,5 млрд теңгеге 9 жобаны қамтиды. Еның ішінде екі қосалқы станса, автоматтандырылған газ тарату стансасы бар газ құбыры, кәріз тазарту және 49 шақырым көлік жолының құрылысы қарастырылған. Бұл туралы Ұлттық экономика министрлігі хабарлады. Тұтастай алғанда, Алатау қаласына  2050 жылға дейін 10,4 трлн теңге инвестициялардың тартылмақ. 

Олжас Бектенов, ҚР Премьер-министрі:

- Инфрақұрылым әрқашан озық қарқынмен дамуы керек, бірақ біз сәл кешігіп келеміз. Жалпы мұндай мәселе еліміз бойынша бар. Қазір Президент бұған үлкен көңіл бөлуде. Мемлекет басшысының тапсырмасы бойынша Үкімет қажетті қаражат бөліп жатыр. Біз мемлекеттік қаржыны тұрақтандыру үшін салық реформасын жүргіздік. Бұл қаражат бізге инфрақұрылымға салу үшін қажет. Бұл ақша ешқайда кетпейді, тікелей экономикаға салынады. Егер мемлекет инфрақұрылымға инвестиция салса, онда инвесторлардың сенімі артып, келе бастайды. Даму осыдан басталады. Басқа жол жоқ. Сондықтан біз инвестиция саламыз және осы жылдан бастап бюджеттің мүмкіндіктері басқаша болады. Бірге жұмыс істейтін боламыз. 

Олжас Бектенов Алатау қаласының инвестициялық және инфрақұрылымдық жобаларымен танысты 

Сондай-ақ Олжас Бектенов жалпы инвестиция көлемі шамамен 360 млн долларды құрайтын,  картоп чипстарын шығаратын завод құрылысымен танысты. Кәсіпорын 900 жаңа жұмыс орнын ашады деп жоспарланған. 

Марғұлан Оспанов, «Pepsico Central Asia» ЖШС компаниясының мемлекеттік органдарымен, қоғамдық  ұйымдарымен байланыс жөніндегі директоры:

- 2025 жылы құрылысты бастағаннан кейін компания инвестицияларды екі есе көбейтуге шешім қабылдады. Бүгінгі күні 360 млн доллар инвестиция тартып, заводымызды салып жатыр. Заводымыз біткен кезде 2028 жылы бұл завод «PEPSICO» портфолилосында ең үлкен заводы болады. Бүнгінгі күнде бірінші фаза заводтың бітіп жатыр. Шілде айында бірінші этаптың техникалық қосылуы болады. Сол уақытта біз 10-60 мың дай дайын продукция шығаратын боламыз. 2028 жылы екінші фаза біткен кезде 70 мың дайын продукция шығаратын деңгейге жетеміз. Бүгінгі күнде 15 фермерлермен келісімшартқа отырып, Қазақстанда чипсыға арналған картоп өсіретін боламыз.