Әлімханұлы мен Эрисланди Лара айқасының нақты күні

Жәнібек Әлімханұлы (17-0, 12 КО) мен кубалық Эрисланди Лара (31-3-3, 19 КО) арасындағы титул біріктіретін жекпе-жегінің нақты күні белгіленді, деп хабарлайды Vesti.kz.

Инсайдер Дэн Рафаэльдің мәліметінше, жекпе-жек 6 желтоқсанда (Қазақстан уақытымен 7 желтоқсан күні таңертең) өтеді. Кездесу АҚШ-тың Техас штатындағы Сан-Антонио қаласында орналасқан Frost Bank Center аренасында ұйымдастырылады.

Орта салмақта өтетін бұл айқаста Жәнібек өзіндегі WBO және IBF белбеулеріне Ларадағы WBA титулын да қосып алуға тырысады. Бұл кездесу PBC PPV аясындағы бокс кешінің екінші басты оқиғасы болмақ.

Ал кештің басты жекпе-жегінде мексикалық Айзек Крус (28-3-1, 18 КО) пен америкалық кіші Ламонт Роуч (25-1-2, 10 КО) жұдырықтасады. Олар бірінші жартылай орта салмақта WBC ұйымының "уақытша" чемпионы атағы үшін айқасады.

PBC has announced entire event is ppd. Per source involved, Jesus Ramos-Shane Mosley Jr. & Isaac Lucero-Roberto Valenzuela Jr. bouts from Fundora-Thurman PPV undercard likely will now be on the #PitbullRoach PPV undercard along with Janibek-Lara 160 unification as the co-feature. https://t.co/E64nkkvP7v

— Dan Rafael (@DanRafael1) October 10, 2025

Жәнібек кейінгі жекпе-жегін сәуір айында Астанада өткізген.  Әлімханұлы ол кезде франциялық Анауэль Нгамиссенгені (14-1, 9 КО) бесінші раундта нокаутпен жеңген болатын.

Орта салмақтағы төртінші белбеу – WBC титулы доминиканалық Карлос Адаместе (24-1-1, 18 КО). "Жабайы айғыр" лақап атты Адамес бұған дейін Әлімханұлымен жекпе-жектен бас тартқанын айта кетейік.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport